दण्डहीनता अन्त्यको माग गर्दै पत्रकारले गरे प्रदर्शन

८ मंसिर, हेटौंडा । नेपाल पत्रकार महासंघले पत्रकार हत्या तथा प्रेस स्वतन्त्रता हननका घटनामा संलग्नलाई कारवाही गरी पीडितलाई न्याय दिलाई दण्डहीनताको अन्त्य गर्न माग गर्दै आइतबार सातै प्रदेशमा प्रदर्शन गरेको छ ।
महासंघले ‘विश्व अन्तराष्ट्रिय दण्डहीनताविरुद्ध दिवस’का अवसरमा आइतबार संघियराजधानी काठमाडौं सहित सातै प्रदेशमा दण्डहीनताको अन्त्य र प्रेस स्वतन्त्रताको रक्षाको लागि प्रदर्शन गरेको हो ।
यसैविच नेपाल पत्रकार महासंघ प्रदेश नम्बर तीनको आयोजना तथा नेपाल पत्रकार महासंघ मकवानपुरको समन्वयमा हेटौंडामा र्याली तथा कोणसभाको आयोजना गरिएको छ ।
हेटौंडाको सिमाचोकबाट सुरुभएको र्याली बुद्धचोक परिक्रमा पछि पुनः सिमचोकमा पुगेर कोणसभामा परिणत भएको थियो ।
कोणसभालाई सम्बोधन गर्दै नेपाल पत्रकार महासंघका पुर्व अध्यक्ष राममणि दाहालले राज्यले पत्रकारलाई स्वतन्त्रतापुर्वक कलम चलाउन पाउने अधिकारको प्रत्याभूति दिलाउँनुपर्ने बताए ।
उनले हरेक राजनितिक परिवर्तनमा साथ दिएको पत्रकारीता क्षेत्रमा विभिन्न बहानमा अंकुश लगाउन खोजेको आरोप लगाए ।
यस्तै कोणसभालाई सम्बोधन गर्दै नेपाल पत्रकार महासंघ प्रदेश तिनका अध्यक्ष प्रताप विष्टले लोकतन्त्रमा पत्रकारले नै असुरक्षी महसुस गर्छ भने कसरी लोकतन्त्रको अनुभुती गर्ने ? भन्दै प्रश्न गरे । उनले राज्य र बाह्य जुनसुकै पक्षबाट पनि पत्रकारमाथी हुने आक्रमण सैह्य नहँुने उल्लेख गर्दै आवस्यक परे पत्रकार प्रतिकारमा पनि उत्रन सक्ने चेतावनी दिए ।
कार्यक्रममा पत्रकार महासंघ प्रदेश तीनका महासचिव कृष्ण सारुमगर, नेपाल पत्रकार महासंघ मकवानपुरका अध्यक्ष अहरि हुमागाइ, पूर्व अध्यक्ष भानुभक्त आचार्य लगायत विभिन्न संचारमाध्यममा कार्यरत पत्रकारहरुको उस्थिति रहेको थियो ।