शान्ति समाजको राष्ट्रिय परिषद् बैठक दाङमा हुने

८ मंसिर, हेटौँडा । मानव अधिकार तथा शान्ति समाजको २२ औँ राष्ट्रिय परिषद् बैठक दाङको तुल्सीपुरमा हुने भएको छ । मानव अधिकार, शान्ति, लोकतन्त्र, अहिंसा, सद्भाव र सहिष्णुताका लागि कार्यरत स्वयंसेवी संस्था समाजको मंसिर २७ र २८ तुल्सीपुरमा परिषद बैठक हुने भएको हो । 
राष्ट्रिय परिषद् बैठकमा सिमा अतिक्रमणको विरोध, जलवायु परिवर्तन, विश्वव्यापी उष्णता र हिमालय बचाँउ आन्दोलन, लागू औषध÷मदिरा दुव्र्यसनको अन्त्य, वैज्ञानिक शिक्षा र गुणस्तरीय स्वास्थ्यका लागि अभियान, कारागार सुधारसहित ९ वटा प्रस्तावमा छलफल हुँदैछ । यसैगरी  वर्ष २०७५/७६ को समाजको वार्षिक गतिविधि सम्बन्धी प्रतिवेदन, आर्थिक तथा लेखा परिक्षण प्रतिवेदन, वार्षिक बजेट तथा कार्ययोजना समेत प्रस्तुत समाजका महासचिव सुशिल बस्नेतले बताए ।
बैठकका लागि दाङ शाखा सभापति सरद रेग्मीको संयोजकत्वमा मूल तयारी समितिसहित आधा दर्जन बढी उपसमितिहरु गठन गरिएको छ । राष्ट्रिय परिषद् बैठकको सेरोफेरोमा शान्ति र्याली, शान्ति काव्य प्रवाह, वृक्षारोपण, विद्यालयहरुमा अन्तरक्रिया र सरसफाई हुने जनाईएको छ । 
राष्ट्रिय परिषद् बैठकमा समाजका संस्थापक सभापति कृष्ण पहाडी, केन्द्रिय कार्यसमितिका पदाधिकारी तथा सदस्यहरु, विभागीय संयोजकहरु, समाजका जिल्ला शाखाहरुबाट प्रतिनिधि तथा पर्यवेक्षकहरु गरी २ सय भन्दा बढी अधिकारकर्मीहरुको सहभागिता हुने भएको छ ।