बानियाँको नेतृत्वमा भएको महायज्ञ डेढ करोड संकलन गर्दै सकियो

१० मंसिर, हेटौँडा । सांसद इन्द्रबहादुर बानियाँको संयोजकत्वमा हेटौंडा–१८ हर्नामाडी फुर्केचौरमा भएको डेढ करोड संकलन गर्दै मंगलबार सकिएको छ । गोरक्षनाथ माविलाई प्राविधिक शिक्षालय बनाउन लगाइएको श्रीमद् भागवत सप्ताह ज्ञान महायज्ञ १ करोड ५८ लाख रुपैयाँ संकलन गर्दै समापन भएको हो । 
बाचन पण्डित दिनबन्धु पोखरेलले वाचन गरेको सप्ताह महायज्ञ समापनको दिन मंगलबार हेटौंडा–१८ का माधव थापा र मुकुन्द थापाबाट १२ लाख रकम बराबरको १ कठ्ठा जग्गा दान गर्नुभएको छ भने हेटौंडा ५ का व्यवसायी तथा समाजसेवी रामबहादुर गौतमबाट २ लाख ७ हजार, पण्डित नारायण पोख्रेल प्रतिष्ठान काठमाडौंबाट १ लाख, हेटौंडा १८ का रामजी थापाबाट ६६ हजार, हेटौंडा १८ घर भई हाल अष्ट्रेलिया बसोबास गरिरहेका रञ्जन कार्की र रञ्जु कार्कीबाट ५५ हजार, साह मेडिकल हल हेटौंडाका संचालक केशरीप्रसाद साहबाट ५१ हजारसहित २२ लाख रुपैयाँ संकलन भएको मूल आयोजक समितिले जनाएको छ ।
हेटौंडा उपमहानगरपालिकाका मेयर हरिबहादुर महतको प्रमूख आतिथ्यता एवं महायज्ञ मूल आयोजक समितिका अध्यक्ष ईन्द्रबहादुर बानियाँको सभाध्यक्षतामा भएको समापन कार्यक्रममा बाचन पण्डित दिनबन्धु पोख्रेल, हेटौंडा १८ का वडा अध्यक्ष अनिल बानियाँ, विद्यालय व्यवस्थापन समितिका अध्यक्ष शैलेन्द्र बानियाँलगायतले मन्तव्य व्यक्त गरेका थिए । समापन कार्यक्रममा विद्यालयको सहयोगार्थ लगाइएको महायज्ञमा सहयोग गर्नेहरुलाई सम्मान पत्र र मायाको चिनो दिएर सम्मान गरिएको थियो ।
कुन दिन कति संकलन
मंसिर ३ गते उदघाटनमा २२ लाख ५० हजार
मंसिर ४ गते ५ लाख
मंसिर ५ गते ४ लाख ५५ हजार
मंसिर ६ गते २० लाख
मंसिर ७ गते ३५ लाख
मंसिर ८ गते २५ लाख
मंसिर ९ गते २४ लाख ५० हजार
मंसिर १० गते समापनमा २२ लाख
जम्मा १ करोड ५८ लाख हजार रुपैयाँ