१० मंसिर, हेटौँडा । मालपोत कार्यालय कलैया दरबन्दी भई सिमरामा कार्यरत नायव सुब्बा मदनप्रसाद गुप्ताले १४ करोड ८१ लाख रुपैँया अवैध आर्जन गरेको भन्दै विशेष अदालतमा मुद्धा दायर भएको छ ।
पदीय दुरुपयोग गरी गैरकानूनी रुपमा सम्पत्ति आर्जन गरी अस्वभाविक उच्च जीवनयापन गरिरहेको भन्दै उजुरी परेपछि छानविन गरेको अख्तियार दुरुपयोग अनुसन्धान आयोगले मंगलबार गुप्ता विरुद्ध १४ करोड ८१ लाख ८९ हजार २३ रुपैंया स्रोत पुष्टी हुन नसकेको एवं गैरकानूनी रुपमा आर्जन गरेको भन्दै विशेया अदालत काठमाडौंमा मुद्धा दायर गरेको अख्तियारका प्रवक्ता प्रदिपकुमार कोइरालाले बताए । गुप्ताले सरकारी सेवा थालेको २०४७ असार २७ देखि आर्थिक बर्ष ०७५/०७६ सम्मको आयव्यय हिसाव गर्दा ४ करोड ५४ लाख ७२ हजार २ सय ४६ रुपैँया मात्रै बैध आर्जन गरेको देखिएको थियो । तर गुप्ता र उनको परिवारको नाममा घर, जग्गा, गाडि, बैंक मौज्दातबाट १४ करोड ८१ लाख ८९ हजार २३ रुपैंया स्रोत पुष्टी हुन नसकेको जनाईएको छ ।
यस्तो छ विवरण
मालपोत कार्यालय कलैया दरबन्दी भई मालपोत कार्यालय सिमरामा कार्यरत नायव सुब्बा मदनप्रसाद गुप्ताले पदीय दुरुपयोग गरी गैरकानूनी रुपमा सम्पत्ति आर्जन गरी अस्वाभाविक उच्च जीवन यापन गरिरहेकोले कारवाही गरी पाउँ भनी आयोगमा दर्ता हुन आएको उजुरीउपरको अनुसन्धानमा निज मदनप्रसाद गुप्ता मिति २०४७।३।२७ मा मालपोत कार्यालय मुस्ताङ्गबाट खरिदारको पदमा सेवा प्रवेश गरी २०६४ सालमा नायव सुब्बाको पदमा वढुवा भई मालपोत कार्यालय पर्सा हुँदै मालपोत कार्यालय सिमरामा निमित्त कार्यालय प्रमुख समेतको जिम्मेवारीमा कार्यरत निजको सार्वजनिक सेवा प्रवेश देखि आ.व. २०७५।०७६ सम्मको अवधिलाई जाँच अवधि लिएर अनुसन्धान गरी हेर्दा निजको तलव पारिश्रमिक बचत आय/घर जग्गा विक्री/विभिन्न बैंक तथा वित्तीय संस्थाहरुबाट कर्जा/छोरा रकि गुप्ताको आय/घर बहाल आय समेत गरी रु. ४¸५४¸७२¸२४६।- (चार करोड चौवन्न लाख वहत्तर हजार दुई सय छयालिस) वैध आय आर्जन भए गरेको देखिन्छ ।
अनुसन्धानको क्रममा संकलित तथ्य प्रमाणहरुबाट निजले आफू तथा आफ्नो परिवारका सदस्यहरु लगायत अन्य व्यक्तिहरु समेतका नाममा दर्ता कायम रहने गरी घर/जग्गा/सवारी साधन/व्यवसाय लगायतका विभिन्न शीर्षकहरुमा खर्च लगानी गरेको पाइयो ।
निज मदनप्रसाद गुप्ताले परिवारका सदस्यहरुका नाममा घरखरिद तथा निर्माणमा रु. ४¸०८¸५१¸०००।-¸ परिवारका सदस्यहरुका नाममा जग्गा खरिदमा रु. ९०¸१४¸१००।-¸ बैंक तथा वित्तीय संस्थाहरुबाट लिइएका कर्जा र कर्जा चुक्ता समेतमा रु. ३¸२७¸४५¸०१२।-¸ पुँजीगत लगायतका कर शिर्षकमा रु. ९¸७०¸२६०।-, सवारी साधन खरिदमा रु. २७¸६२¸५००।-¸ पार्वती स्टेशनरी/गायत्री निशान अटो कर्प प्रा.लि./नेपाल रोडसाइड एसिस्टेन्स समेतका व्यवसायहरुमा रु. ७१¸००¸०००।-¸ सापटी दिएको रु. ४३¸००¸००५।-¸ पारिवारिक लालन पालन लगायतका अतिरिक्त खर्च/शैक्षिक खर्च/सुन चाँदी खरिद/विद्युतीय उपकरण/छोरा विक्कि गुप्ताको विवाह लगायतमा रु. ६१¸००¸०००।– यसैगरी परिवारका सदस्यहरु बाहेकका अन्य व्यक्तिहरु कविता कुमारी/राजेश कुमार गुप्ता / इन्दिरा देवी काफ्ले लगायतका नाममा दर्ता कायम रहने गरी खरिद गरी राखेका घर र जग्गाहरुमा रु. ५¸२७¸८९¸५००।-¸ परिवारको सदस्य बाहेकका अन्य व्यक्ति निरज कुमार गुप्ताको नाममा सवारी साधन जिप खरिदमा रु. ४०¸००¸०००।-¸ परिवारको सदस्य बाहेकका व्यक्ति राजेशकुमार गुप्ताको नाममा निशान ट्रेडर्स (पेट्रोल पम्प) मा लगानीमा रु. ४०¸००¸०००।- र निज नायव सुब्बा मदनप्रसाद गुप्ता र संलग्न अन्य समेतका नाममा संचालित विभिन्न बैंक खाताहरुमा देखिएको मौज्दात रु. २¸८५¸२८¸८९२।- समेत गरी जम्मा रु. १९¸३६¸६१¸१६९।- (उन्नाइस करोड छत्तीस लाख एकसठ्ठी हजार एक सय उनान्सत्तरी) खर्च तथा लगानी गरेको देखिँदा निजको वैध आय रु. ४¸५४¸७२¸२४६।- (चार करोड चौवन्न लाख बहत्तर हजार दुई सय छयालीस) को तुलनामा रु. १४¸८१¸८९¸०२३।– (चौध करोड एकासी लाख उनानब्बे हजार तेइस) बराबरको सम्पत्तिको स्रोत नखुलेको पाइएबाट निजको सम्पत्ति विवरण अमिल्दो र अस्वाभाविक देखिन आएकोले वैध आयको तुलनामा स्रोत खुल्न नसकेको रु. १४¸८१¸८९¸०२३।–निजले राष्ट्र सेवक भएपश्चात के कस्तो श्रोतबाट सम्पत्ति आर्जन गरेको हो भन्ने कुराको श्रोत पुष्टी गर्न नसकेबाट गैर कानूनी रुपमा सम्पत्ति आर्जन गरी साविक भ्रष्टाचार निवारण ऐन¸ २०१७ को दफा १५ एवं प्रचलित भ्रष्टाचार निवारण ऐन¸ २०५९ को दफा २० को उपदफा (१) बमोजिमको कसुर गरेको पुष्टि हुन आएकोले निज मदनप्रसाद गुप्ता उपर विगो रु. १४¸८१¸८९¸०२३।–कायम गरी साविक भ्रष्टाचार निवारण ऐन¸ २०१७ को दफा १५¸ दफा १६ (ग) तथा दफा २९ एवं प्रचलित भ्रष्टाचार निवारण ऐन¸ २०५९ को दफा २० को उपदफा (२) बमोजिम विगो बमोजिम जरिवाना र कैद सजायको साथै निजले श्रोत पुष्टि गर्न नसकेको एवं गैरकानूनी रुपमा आर्जन गरेको आफ्नो र परिवार तथा आफन्तका नाममा राखेको सम्पत्तिको विगो रु. १४¸८१¸८९¸०२३।–साविक भ्रष्टाचार निवारण ऐन¸ २०१७ को दफा १६ (ग)¸ दफा २९ र प्रचलित भ्रष्टाचार निवारण ऐन¸ २०५९ को दफा ४७ तथा अख्तियार दुरुपयोग अनुसन्धान आयोग ऐन¸ २०४८ को दफा २९ (ख) बमोजिम जफतसमेत गर्ने प्रयोजनको लागि निज मदनप्रसाद गुप्ता लगायत निजकी श्रीमती रिता देवी¸ छोराहरु विक्कि गुप्ता र रकि गुप्ता¸ अन्य व्यक्तिहरु कविता कुमारी¸ निरजकुमार गुप्ता¸ राजेशकुमार गुप्ता¸ जुगुली प्रसाद र जगतनारायण यादव समेतलाई आज सम्मानित विशेष अदालत काठमाण्डौमा मुद्दा दायर गरिएको ।
३० कार्तिक, हेटौंडा । इलाका प्रहरी कार्यालय पालुङ मकवानपुरको टोलीले चरेससहित दुईजना नियन्त्रणमा लिएको छ...
३० कार्तिक, हेटौंडा । उदाउँदो सूर्यलाई अर्घ्य अर्पण गर्दै श्रद्धा, निष्ठा र लोकआस्थाको महापर्व छठ सोमबार विधिवत्...
२९ कार्तिक, हेटौंडा । मधेश प्रदेशका मुख्यमन्त्री कृष्णप्रसाद यादवले राजीनामा दिएसँगै मधेश प्रदेशमा नयाँ सरकार...
२९ कार्तिक, हेटौंडा । नेपाल प्रिमियर लिग (एनपिएल) अन्तर्गत विराटनगर किंग्सविरुद्ध चार विकेटको रोमाञ्चक जित...
२९ कार्तिक, हेटौंडा । छठ पर्वको मुख्य दिन आज साँझ अस्ताउँदो सूर्यलाई पूजा आराधना गरी अर्घ्य दिइँदैछ । कार्तिक...
२९ कार्तिक, हेटौंडा । राष्ट्रिय स्वतन्त्र पार्टी (रास्वपा) को उच्चस्तरीय प्रतिनिधिमण्डल आज चीन भ्रमणमा जाने भएको...
२९ कार्तिक, हेटौंडा । हाल नेपालमा पश्चिमी वायुको आंशिक प्रभाव रहेको छ । जसको प्रभावले देशको हिमाली र पहाडी...
२८ कार्तिक, हेटौंडा । मधेशको मिथिला क्षेत्रमा अहिले छठ पर्वको उल्लास छ । चार दिने यो पर्वको दोस्रो दिन ब्रतालु आज...
२८ कार्तिक, हेटौंडा । नेपाल प्रिमियर लिग एनपीएलअन्तर्गत शुक्रबारको दोस्रो खेलमा जनकपुर बोल्ट्सविरुद्ध चितवन...
१७ कार्तिक, हेटौंडा । हाल नेपालमा पश्चिमी वायूको आंशिक प्रभाव रहेको छ । लुम्बिनी प्रदेश लगायत देशको हिमाली र...
१९ कार्तिक, हेटौंडा । हाल नेपालमा पश्चिमी वायुको आंशिक प्रभाव रहेको छ । जसको प्रभावले मधेस, कोशी र बागमती प्रदेश...
१९ कार्तिक, हेटौंडा । परराष्ट्र सचिव अमृत राईको निमन्त्रणामा नेपाल भ्रमणमा रहेका भारतीय विदेश सचिव विक्रम...
१७ कार्तिक, हेटौंडा । काठमाडौँ गोर्खाजले कर्णाली याक्सविरुद्ध सानदार जित निकालेको छ । कीर्तिपुरस्थित त्रिवि...
१७ कार्तिक, हेटौंडा । भारतका विदेश सचिव विक्रम मिस्रीले यही कात्तिक १८ गते बुधबार र १९ गते बिहीबार नेपालको...
२० कार्तिक, हेटौंडा । नेपाल प्रेस युनियन मकवानपुरले स्थापना गरेको जिल्लाकै सबैभन्दा ठूलो राशिको पत्रकारिता...
१७ कार्तिक, हेटौंडा । सुदूरपश्चिम रोयल्सले नेपाल प्रिमियर लिग (एनपीएल)को तेस्रो संस्करणमा दोस्रो जित निकालेको छ...
१९ कार्तिक, हेटौंडा । सरकारले नेपाल बीमा प्राधिकरणको अध्यक्षमा राजन बिक्रम थापालाई नियुक्त गरेको छ । अर्थ...
१९ कार्तिक, हेटौंडा । नेपाली बजारमा बिहीबार सुनको मूल्य बढेको छ । सुन प्रतितोला १३ हजार ३ सय रुपैयाँले बढेको हो...










-nepal-1793665142.jpg)
-nepal-1793842721.jpg)






