२४ घण्टामा विश्वभर २ लाख ३८ हजार संक्रमित थपिए

१६ भदौ, हेटौंडा । पछिल्लो २४ घण्टामा विश्वभर २ लाख ३८ हजार भन्दा बढी मानिस कारोना अर्थात कोभिड १९ बाट संक्रमित भएका छन् ।
कोरोनाको तत्थ्यांक प्रस्तुत गरिरहेको वर्ल्डोमिटरका अनुसार पछिल्लो २४ घण्टामा २ लाख ३८ हजार ३ सय ४२ जना मानिस संक्रमित भएका हुन् । 
यो सँगै विश्वभर कोरोना भाइरसबाट संक्रमित हुनेको कुल संख्या २ करोड ५६ लाख २१ हजार ९ सय २५ पुगेको छ ।
विश्वभर भएका कुल संक्रमित मध्ये १ करोड ७९ लाख २२ हजार भन्दा धेरै मानिसहरु निको भएर घर फर्किएका छन् ।
अहिलेपनि विश्वभर ६८ लाख ४५ हजार भन्दा धैरैजनामा संक्रमण रहेको छ भने ६१ हजार १ सय भन्दा धेरै मानिसको अवस्था गम्भिर रहेको छ ।
अहिलेसम्म सबैभन्दा धेरै संक्रमित रहेको अमेरिकामा पछिल्लो २४ भण्टामा ३७ हजार ७ सय ७३ जना संक्रमित थपिएका छन् । यहाँ योसँगै कुल संक्रमितको संख्या ६२ लाख ११ हजार ९ पुगेको छ । 
यस्तै दोस्रो धेरै प्रभावित देश ब्राजिलमा ४८ हजार ५ सय ९० जना नयाँ संक्रमित थपिदा कुल संक्रमितको संख्या ३९ लाख १० हजार ९ सय १ पुगेको छ । 
यसैगरी विश्वको तेस्रो धेरै प्रभावित रहेको भारतमा ३६ लाख ८७ हजार ९ सय ३९ जनामा कोरोना संक्रमण पुष्टि हुँदा ६८ हजार ७ सय ७० जना नयाँ संक्रमित थपिएका छन् ।