नेपाल ग्लोबल छनोट 'ए' को सेमिफाइनलमा प्रवेश

९ फागुन, हेटौंडा । नेपाल आईसीसी पुरुष टी–२० विश्वकप अन्तर्गतको ग्लोबल छनोट 'ए' को सेमिफाइनलमा प्रवेश गरेको छ ।
ओमानको अल अमेरातमा सोमबार भएको खेलमा क्यानडालाई ८ विकेटले हराउँदै नेपाल अन्तिम चारमा पुग्न सफल भएको हो । क्यानडालाई हराएसँगै छनोटको समूह ‘बी’ मा रहेको नेपाल समूह विजेता बन्दै सेमिफाइनल पुगेको छ ।
नेपालले ३ खेलमा ३ जितसहित ६ अंक जोड्दा सामान खेलमा ४ अंक जोड्दै ओमान समूहको उपविजेता बन्द सेमिफाइनलमा पुगेको छ । यस्तै क्यानडा र फिलिपिन्स भने प्रतियोगिताबाटै बाहिरिएबा छन् ।
अब नेपालले सेमिफाइनलमा समूह ‘ए’ को उपविजेता युएईसँग भोलि मंगलबार खेल्नेछ । यस्तै ओमानले ‘ए’ को विजेता आयरल्याण्डसँग खेल्नेछ । फाइनल प्रवेश गर्ने टोली अष्ट्रेलियामा अक्टोबर १६ देखि नोभेम्बर १३ सम्म हुने आईसीसी पुरुष टी–ट्वान्टी विश्वकपको लागि छनोट हुनेछन् ।
सोमबार भएको खेलमा क्यानडाले दिएको ८१ रनको सामान्य लक्ष्य नेपालले १४ ओभर १ बलमा २ विकेट गुमाएर पूरा गर्यो । नेपालको जितमा कुशल भुर्तेलले अविजित ३४ रन जोड्दा दिपेन्द्र सिंह ऐरीले अविजित रहदै २७ रन बनाए । आशिफ शेख १७ तथा कुशल मल्ल सुन्य रनमा आउट भए ।
यस अघि टस जितेर पहिले ब्याटिङ गरेको क्यानाडाले १५ ओभरमा अलआउट हुदै ८० रन बनाएको थियो ।