आईपीएल क्रिकेटमा चेन्नेईको दोस्रो जित

google

९ बैशाख, हेटौंडा । इन्डियन प्रिमियर लिग क्रिकेट (आईपीएल)मा चेन्नई सुपर किंग्सले मुम्बई इन्डियन्समाथि जित निकालेको छ । बिहिबार राति भएको खेलमा चेन्नेईले तीन विकेटको रोमाञ्चक जित निकालेको हो ।
मुम्बईले प्रस्तुत गरेको १ सय ५६ रनको लक्ष्य चेन्नेईले अन्तिम बलमा चौका प्रहार गर्दै पुरा गर्यो । महेन्द्र सिंह धोनीले १३ बलमा २८ रनको विस्फोटक ब्याटिङ गर्दै चेन्नेईलाई जित दिलाएका हुन् । उनले तीन चौका र एक छक्काको मदतले नटआउट रहदै २८ रन बनाए । । उनले अन्तिम बलमा विजयी चौका प्रहार गरेका थिए । 
चेन्नेईको जितमा आम्बाती रायडुले सर्वाधिक ४० रन बनाउँदा रोविन उथप्पा ३०, ड्वेन प्रिटोरियस २२, सिवम दुबे १३ र मिचेर स्यान्टनरले ११ रन बनाए । मुम्बईका ड्यानिल सामले सर्वाधिक ४ र जयदेव उनादकटीले २ तथा रिले मेरेडिथले १ विकेट लिए ।
यसअघि सुरुवाती ब्याटिङ गरेको मुम्बईले निर्धारित ओभरमा ७ विकेट गुमाउँदै १ सय ५५ रन बनाएको थियो । उसका लागी तिलक वर्माले नकआउट ५१ रन बनाएको इनिङ्समा सुर्यकुमार यादवले ३२, ऋतिक सोकिनले २५ रन बनाए ।
चेन्नेईका लागी मुकेश चौधरीले सर्वाधिक ३ विकेट लिँदा ड्यान ब्राभोले २ तथा मिचेल स्यान्टनर र महेश दिक्षानाले समान एक एक विकेट लिए । 
यस सिजना आइपिएलका सर्वाधिक दुई टठोली मुम्बई र चेन्नइले खासै राम्रो प्रदर्शन गर्न सकेका छैनन् । मुम्बई सुरुवाती ७ चरणका खेल सकिदाँ जित विहीन अवस्थामा शुन्य अंक सहित तालिकाको पुछारमा छ । यस्तै चेन्नेई दोस्रो जित सहित तालिकाको पुछारदेखि दोस्रो स्थानमा रहेको छ ।