मकवानपुर सिजन ४ सौन्दर्य प्रतियोगिताको तयारी पुरा

प्रतियोगिताको बारेमा आयोजित पत्रकार सम्मेलन

२९ भदौं,हेटौंडा । कलिउड सुपर डान्स एण्ड फिटनेस प्रा.लिको आयोजनामा हुन लागेको मिस मकवानपुर सिजन ४ सौन्दर्य प्रतियोगिताको तयारी पुरा भएको छ । बुधबार पत्रकार सम्मेलन मार्फत कार्यक्रमबारे जानकारी दिदैं प्रतियोगिताका कोरियोग्राफर सोफिया फागोले असोज ३ गते सोमबार प्रतियोगिताको ग्राण्ड फिनाले गरिने बताइन् ।  

प्रतियोगिताका विजेताले ताज, सत्तरी हजार नगद सहित डाइन एण्ड वाईन रेष्टुरेन्टमा रात्रिभोजको व्यवस्था, फोटो सुट, कुनै पनि विधामा आयोजक कम्पनीमा निशुल्क प्रशिक्षणको व्यवस्था, तीन दिनको आन्तरिक भ्रमणको प्याकेज, निशुल्क दक्ष मेकप ट्रेनिङ लगायत आकर्षक पुरस्कारहरु प्राप्त गर्ने जनाइएको छ । 

त्यस्तै, फस्ट रनरफले ताज, ३५ हजार नगद, फोटो सुट, तीन दिनको आन्तरिक भ्रमण प्याकेज सहित आकर्षक पुरस्कारहरु प्राप्त गर्नेछन् भने सेकेन्ड रनरफले ताज, २० हजार नगद, फोटो सुट, तीन दिनको आन्तरिक भ्रमण प्याकेज र आकर्षक पुरस्कारहरु प्राप्त गर्ने जनाइएको छ ।प्रतियोगिताको मुख्य प्रायोजक नेपाली उत्पादन क्यालिवर्स सुज रहेको आयोजक कम्पनीका प्रमुख सुजन श्रेष्ठले बताए । उनले हाम्रो कार्यक्रमको मुख्यप्रायोजक क्यालिवर्स सुज रहेको र सह प्रायोजकमा सिस्टरहुड फेसन स्टोर्स रहेको बताए । प्रतियोगितामा डाइन एण्ड वाइन, एनएस सिनेमाको सहकार्यमा हस्पिटालिटी पार्टनर होटल सामना र बैकिंङ पार्टनरमा ज्योति विकास बैंक रहेको श्रेष्ठले बताए ।उनले प्रतियोगितामा मकवानपुरका १५ जनाले प्रतिस्पर्धा गर्ने र मिस नेपाल अर्थ २०२० की सुप्रिया श्रेष्ठ, मोडल पंकज सिंह ठकुरी र एन्जिला श्रेष्ठले निर्णायकको भूमिका निर्वाह गर्ने बताए ।