एसिसी इमर्जिङ कपः नेपाल बंगलादेशसित पराजित

२ मंसिर, हेटौंडा । बंगलादेशमा जारी एसिसी इमर्जिङ टिम्स एसिया कप क्रिकेट प्रतियोगितामा नेपाल घरेलु टोली बंगलादेशसँग पराजित भएको छ ।
ढाकास्थित साभार क्रिकेट मैदानमा सोमबार भएको समूह चरणको खेलमा नेपाल बंगलादेशसँग ८ विकेटले पराजित भएको हो ।
नेपालले दिएको १३९ रनको लक्ष्य बंगलादेशले २४ ओभरमा २ विकेटको क्षतिमा भेट्टायो । बंगलादेशको जितमा नजमोल हुसेनले सर्वाधिक ५९ रनको योगदान दिए । यस्तै, बंगलादेशका अर्का ब्याट्सम्यान मोहमद्द नाइमले ४५, यसिर अलीले १८ तथा सोम्य सरकारले ११ रन बनाए ।
बलिङतर्फ नेपालका सोमपाल कामी र सुसन भारीले समान एक÷एक विकेट लिए ।
त्यसअघि, टस हारेर पहिले ब्याटिङ गरेको नेपालले ४४.३ ओभरमा सबै विकेट गुमाउँदै १३८ रन बनाएको थियो । नेपालका लागि सोमपाल कामीबाहेक अन्य खेलाडीले गतिलो प्रदर्शन गर्न सकेनन् । नेपालका लागी सोमपालले सर्वा्िधक ३८ रन बनाए ।
त्यस्तै, कप्तान ज्ञानेन्द्र मल्लले २२ रन जोड्दा करण केसीले १८ रन जोडे । कुशल भुर्तेलले १०, करण केसीले १८, आरिफ शेखले ११, पवन सरार्फले ९, विनोद भण्डारीले ८, उपकप्तान दीपेन्द्रसिंह एरीले ६ तथा शरद भेषावकरले एक रन जोडे ।
बलिङतर्फ बंगलादेशका सैयद मिन्हाजुल आबेदिन र सुमन खानले समान ३र३ विकेट लिए भने तनवीर सिंह र मेहदी हसनले २र२ विकेट लिए ।
हारसँगै नेपालको सेमिफाइनलमा पुग्ने सम्भावना भने न्यून भएको छ । यसअघि, बिहीबार भएको पहिलो खेलमा नेपाल भारतसँग ७ विकेटले पराजित भएको थियो भने शनिबार भएको दोस्रो खेलमा नेपालले हङकङलाई ४० रनले पराजित गरेको थियो ।