अन्तराष्ट्रिय

भारतमा ‘निपाह’ भाइरसका कारण ११ जनाको मृत्यु

virus-1526960504.jpg

८ जेठ । भारतमा ‘निपाह’ नामक भाइरसले आतंक मच्चाएको छ । केरल राज्यमा यो भाइरसका कारण ११ जनाको मृत्यु भइसकेको बताइएको छ भने अन्य कयौंमा संक्रमण रहेको बताइएको छ ।

केरल राज्यका स्वास्थ्यमन्त्री केके शायलजाका अनुसार यो भाइरसको प्रकृतिबारे पूर्ण रुपमा जानकारी आइसकेको छैन । मृतकका रगत तथा अन्य नमूना परीक्षणका लागि पुणेस्थित प्रयोगशालामा पठाइएको छ । केरलको तटीय सहर कोझिकोडमा एकै परिवारका तीन सदस्यको यही भाइरसका कारण मृत्यु भएको बताइएको छ । छिमेकीहरुका अनुसार उनीहरुले फलफूल खाएका थिए ।

विश्व स्वास्थ्य संगठनका अनुसार निपाह भाइरस तीव्र रुपमा फैलिने गर्दछ । यसले जनावर र मानिसलाई संक्रमित गर्दछ । संक्रमितसँग सम्पर्कमा आउने जोसूकैलाई यो भाइरस सर्ने बताइन्छ । सन् १९९८ मा पहिलो पटक यो भाइरस देखिएको थियो । मलेसियाको कम्पङ्ग सुंगाई निपाहमा यो भाइरस पहिलोपटक फेला परेका कारण यसको नाम निपाह राखिएको हो । सन् २००४ मा बंगलादेशमा पनि यो भाइरस देखिएको थियो ।

चमेरोलाई यो भाइरस सार्ने माध्यम मानिएको छ । अन्य जीवजन्तु तथा चराबाट पनि यो भाइरस सर्न सक्ने अनुमान गरिएको छ । बंगलादेशमा यो भाइरसको संक्रमण फेला पर्दा स्थानीयले खजुरको रुखबाट निस्कने तरल पदार्थ खाएको बताइएको थियो । चमेराका माध्यमबाट खजुर हुँदै मानिसमा भाइरसको संक्रमण फैलिएको बताइन्छ ।

संक्रमित मानिसबाट मानिसमा पनि यो भाइरस फैलिने गरेको छ । भारतमै यस प्रकारले संक्रमित बढेको बताइएको छ । यो भाइरसलाई नियन्त्रणमा लिने कुनै खोप अहिलेसम्म विकसित भएको छैन । संक्रमण भएको केही दिनमै संक्रमित ‘कोमा’ मा पुग्ने (अचेत हुने) र मृत्युसमेत हुने गरेको बताइन्छ । यो भाइरसको संक्रमण लागेका मानिसलाई ज्वरो आउने, टाउको दुख्ने र ४८ घण्टा जतिपछि कोमामा पुग्ने बताइन्छ । ५० प्रतिशतजति संक्रमितलाई न्यूरोलोजिकल समस्यासमेत आउने चिकित्सकहरुको भनाइ छ ।

सामान्य रुपमा मानिसको सम्पर्कमा आउने चमेरा, सुँगुर लगायतबाट यो भाइरसको संक्रमण फैलने गर्दछ । तिनको सम्पर्कमा आएका फलफूल खाँदा मानिसमा यो भाइरस सर्न सक्छ । (एजेन्सी)

साभार : इमेज खबर


Tech1-1498491689.jpg
60cc-Hetauda-1543567953.jpg
Health-Adv2-1529145952.jpg
नेपालमा यी भारतीय रुपैँया प्रयोगमा प्रतिवन्ध
Indian-new-currency-1544709740.jpg

२७ मंसिर, काठमाडौं । नेपाल सरकारले नेपालमा भारतीय रुपैँयाको प्रयोगमा प्रतिवन्ध लगाएको छ । सरकारले नेपालमा २ सय, ५...

फाष्ट ट्रयाकको मुआव्जा बढाउन सकिन्न : थापा
Ram-Bahadur-Thapa-1544709293.jpg

२७ मंसिर, काठमाडौं । गृहमन्त्री रामबहादुर थापाले काठमाडौं–निजगढ द्रुत मार्ग (फाष्ट ट्रयाक) मा पर्ने जग्गाको...

संविधान संशोधन गरेर अघि बढ्ने प्रचण्डको भनाई
Prachanda-1544708275.jpg

२७ मंसिर, काठमाडौं । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डले संविधान संशोधन गरेर अघि...

सहिद स्मारक ’ए’ डिभिजन लिगः हिमालयनलाई हराउँदै संकटा दोश्रो स्थानमा उक्लियो
A-division_BWmphyP5mE-154-1544706210.jpg

२७ मंसिर, हेटौँडा । काठमाडौँमा जारी सहिद स्मारक ए डिभिजन लिग फुटबल प्रतियोगिता अन्तर्गत विहिकार ३ खेल सम्पन्न...

जन्ती चढेको जीप र यात्रु बस ठोक्किँदा ६ जनाको ज्यान गयो 
accident-1544666517.jpg

२७ मंसिर, हेटौँडा । दाङको लमही नगरपालिका वडा नम्बर ९ रिहार नजिक भएको सवारी दुर्घटनामा ६ जनाको ज्यान गएको छ । जन्ती...

‘ए’ डिभिजन लिग फुटबलः आजदेखि आठौं चरणका खेल
A-division_BWmphyP5mE-154-1544665657.jpg

२७ मंसिर, हेटौँडा । काठमाडौँमा जारी सहिद स्मारक ‘ए’ डिभिजन लिग फुटबलमा आज (बुधबार) देखि आठौं चरणका खेल हुँदैछन्...

अविश्वास झेल्दै बेलायती प्रधानमन्त्री टेरिजा मे
Theresa-1544628779.png

२६ मंसिर । बेलायती प्रधानमन्त्री टेरिजा मे ले अविश्वासको प्रस्ताव झेल्नु पर्ने भएको छ । आफ्नै क्याविनेटका...

प्रहर खबर डट कम शुभारम्भ
47689273_2022997787747751-1544628295.jpg

२६ मंसिर, हेटौँडा । प्रदेश नम्बर ३ को राजधानि हेटौडाबाट नयाँ अनलाइन संचालनका आएको छ । खुड्किलो मिडिया...

जनकल्याण सहकारीको कुमलटारमा शिक्षा शिविर
Janakalyan-1544627303.jpg

२६ मंसिर, हेटौँडा । हेटौडा–६, चौघडामा रहेको जनकल्याण बचत तथा ऋण सहकारी संस्थाको आयोजनामा एक दिवसीय सहकारी...

थप समाचार