औद्योगिक वातावरण बनाउनु जरुरी : मुरारका

२१ फागुन, हेटौँडा । नेपाल उद्योग बाणिज्य महासंघका अध्यक्ष पशुपति मुरारकाले देशमा औद्योगिक वातावरण बताउनु जरुरी रहेको बताएका छन् । मकवानपुर उद्योग बाणिज्य संघको स्वर्ण महोत्सव एवं ५० औं बार्षिक साधारण सभामा बोल्दै अध्यक्ष मुरारकाले राजनीतिक दलले भने जस्तो औद्योगिक वातावरण नरहेको भन्दै वातावरण तयार गर्नु जरुरी रहेको बताए ।

देशको राजनैतिक अनिश्चितताका कारण लगानी आउन नसकेको भन्दै उनले यसलाई बेलैमा ध्यान पु¥याउनु जरुरी रहेको बताए । कार्यक्रममा औद्योगिक क्षेत्र व्यवस्थापन लिमिटेडका महाप्रवन्धक नन्दकिशोर बस्नेत, मध्यमाञ्चल उद्योग बाणिज्य संघका अध्यक्ष अरुणराज सुमार्गी, मकवानपुरका सांसदहरु महालक्ष्मी डिना उपाध्याय, अनन्त पौडेल, गणेश थापा, चितवन उद्योग बाणिज्य संघका अध्यक्ष राजन गौतम, उद्योग संघ मकवानपुरका अध्यक्ष नवराज अर्याल लगायतले मन्तव्य व्यक्त गरेका थिए ।

पत्रकार सम्मानित

कार्यक्रममा पत्रकारहरु रुपेश दुलाल, हरि हुमागाई, सुवास विडारी र धर्मेन्द्र दाहाल लाई प्रेमलाल श्रेष्ठ स्मृति पत्रकारिता पुरस्कारबाट सम्मानित गरिएको थियो । यसैगरी, माधवराज सुमार्गी ट्रष्टबाट किरण क्षेत्री महत्रा, विजय जोशी, भीमसेन श्रेष्ठ र टाँसीडोल्मा तुम्बाहाम्फेलाई सम्मान गरिएको थियो । संघले स्वर्ण महोत्सवको अवसरमा संस्थाका पूर्व अध्यक्षहरु र कार्यसमितिका सदस्यहरुलाई सम्मान गरेको थियो ।