अजिता हत्यामा संलग्न ५ जना सार्वजनिक

२१ माघ, हेटौंडा । मकवानपुर प्रहरीले हेटौंडा-११ की अजिता भुजेलको हत्या संलग्न भएको अभियोगमा ५ जनालाई सार्वजनिक गरेको छ । 

हत्या अभियोगमा प्रहरीले पक्राउ गरि हेटौंडा-९ का १८ बर्षीय सिमोन परियार, हेटौंडा-४ का २५ बर्षीय सुशील थापा मगर, हेटौंडा-११ की २० बर्षीया एलिसा पाख्रिन, हेटौंडा-४ का २४ बर्षीय आशिष बल र हेटौंडा-४ का २१ बर्षीय बुद्ध लामालाई सार्वजनिक गरेको हो । प्रहरीका अनुसार ना६ख ६५२७ नम्बरको ट्रकका सहचालक परियार र थापा मगरले भुजेलसंग हेटौंडा–११ थानाभर्याङमा ७ हजार रूपैयाँमा यौन सम्पर्क गर्ने कुरा गरेर ट्रकमा यौनसम्पर्क गरेको र पैसा दिने विषयमा विवाद भएपछि परियार र थापासहित ४ जनाले हत्या गरेका थिए । हत्या गरेर शव ट्रकमै राखेर क्याम्पाडाँडामा फालेका थिए ।। 

अजिताको हराएको मोबाइल हत्यामा संलग्न परियारले बुद्ध लामालाई दिएको र बुद्ध लामाले साथी आशिषलाई दिएका थीए । आशिषले आफ्नी श्रीमती एलिसालाई दिएका थिए । सोही मोवाईल अन भएपछि प्रहरीले सबैलाई पक्राउ गरेको हो । घटनामा संलग्न २ जना फरार रहेका छन् । महानगरीय प्रहरी महाशाखा टेकु र वडा प्रहरी कार्यालय हेटौडाका प्रहरी निरीक्षक ईश्वरी प्रसाद भण्डारीको कमाण्डमा प्रहरी सहायक निरीक्षक निवन थापाको सहितको टोलिले घटनाको अनुसन्धान गरिरहेको थियो। प्रहरीको टोलीको अनुसन्धानबाट अभियुक्तलाई पक्राउ गरेको मकवानपुरका प्रहरी उपरीक्षक सुशिलसिंह राठौरले पत्रकार सम्मेलनमा जानकारी दिए ।

यो पनि पढ्नुस्
हेटौँडाको क्याम्पाडाँडामा तेस्रो लिंगीको शव फेला,      अपडेटः क्याम्पाडाँडामा भेटिएको शव तेस्रो लिंगी भुजेलको (तस्बिरहरु),       अजिताको शव जाँचका लागि काठमाडौं पठाईयो,     अजिता भुजेल हत्या प्रकरणमा कम्तिमा २ पक्राउ,    अजिता हत्या प्रकरण अनुसन्धान गर्न काठमाडौंबाट टोली आउँदै ,       अजिता हत्या : प्रहरी केन्द्रीय टोलीसहितको अनुसन्धान सकारात्मक,   अजिता हत्या अभियोगमा पक्राउ गरिएकालाई सार्वजनिक गरिदै