कोरोनाले अहिलेसम्म ६४ हजार भन्दा बढीको लियो ज्यान

२३ चैत्र, हेटौंडा । विश्वभर महारामारीको रुपमा फैलिरहेको कोरोना भाइरस कोभिड–१९ का कारण मृत्यु हुनेको संख्या ६४ हजार नाघेको छ । 
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिले सम्म ज्यान गुमाउनेको संख्या ६४ हजार ६ सय ९१ पुगेको हो । एकैदिन थप ५ हजार ५ सय १७ जनाको मृत्युभएपछि यो भाइरसको संक्रमणबाट ज्यान गुमाउनेको संख्याले ६४ हजार नाघेको हो ।
अहिलेसम्म १२ लाख १ हजार ४ सय ७३ जनामा भाइरस संक्रमणको पुष्टि भएको छ । संक्रमितको संख्या एकैदिन ८४ हजार ८ सय १२ थपिएको छ । 
संक्रमितहरु मध्ये ठूलो संख्यामा उपचारपछि निको पनि भएका छन् । पछिल्लो तथ्यांक अनुसार २ लाख ४६ हजार ४ सय ६७ जना उपचारपछि निको भएका ।
यस्तै भाइरसका संक्रमणका कारण अहिले ४२ हजार २ सय ८८ जना गम्भीर अवस्थामा उपचार गराइरहेका छन् । ८ लाख ४८ हजार २७ जनाको अवस्था मध्यम रहेको छ । 
कोरोनाको चर्को महामारी खेपिरहेको इटलीमा अहिलेसम्म १५ हजार ३ सय ६२ जनाले ज्यान गुमाएका छन् । यो संख्या विश्वकै सबैभन्दा बढी हो । इटालीमा एकैदिन ६ सय ८१ जनाले ज्यान गुमाएका छन् । इटालीमा पछिल्लो समय ४ हजार ८ सय ५ जना नयाँ संक्रमित थपिएका छन् । गएको केहीदिनको तुलनामा नयाँ संक्रमितको संख्यामा कमि आएको छ ।
यसैगरी कोरोनासंग जुधिरहेको अर्को यूरोपेली मुलुक स्पेनमा ज्यान गुमाउनेको संख्या ११ हजार ९ सय ४७ पुगेको छ । स्पेनमा ७ सय ४९ जना थप मृत्यु भएको छ भने ४ हजार ८ सय ५ जना नयाँ संक्रमित थपिएका छन् ।
यता पछिल्लो समय कोरोना भाइरसको इपिसेन्टर बनिरहेको अमेरिकामा थप १ हजार ४८ जनाको मृत्यु भएपछि यहाँ ज्यान गुमाउँनेको संख्या ८ हजरा ४ सय ५२ पुगेको छ । विश्वको सबैभन्दा बढी संक्रमित रहेको अमेरिकामा एकैदिन ३४ हजार १ सय ९६ जना नयाँ संक्रमित थपिएपछि यहाँ ३ लाख ११ हजार ३ सय ५७ जना संक्रमित पुगेको छ । अमेरिकामा संक्रमित र मृतकको संख्या बढीरहेको छ ।
यस्तै फ्रान्समा एकैदिन १ हजार ५३ ज्यान गुमाएपछि यहाँ मर्नेको संख्या ७ हजार ५ सय ६० पुगेको छ । यहाँ संक्रमितको संख्या ८९ हजार ९ सय ५३ पुगेको छ ।
यसैगरी मध्यपूर्वी एसियाली मुलुक इरानमा ३ हजार ४ सय ५२, बेलायतमा ४ हजार ३ सय १३, बेल्जियममा १ हजरा २ सय ८३, नेदरल्याण्डसमा १ हजार ६ सय ५१, जर्मनीमा १ हजार ४ सय ४४ र स्विटजरल्याण्डमा ६ सय ६६ जनाले ज्यान गुमाएका छन् ।
कोरोना भाइरसको उदगमस्थन चीनमा भने ज्यान गुमाउनेको संख्या स्थिर जस्तै भएको छ । पछिल्ला केही दिन यता चीनमा ज्यान गुमाउनेको संख्या निक्कै घटेको छ । यहाँ अहिलेसम्म ३ हजार ३ सय २९ जनाले ज्यान गुमाएका छन् ।