विहिबार प्रदेशभर र्यापिड टेष्ट, ५ जनामा पोजेटिभ

४ बैशाख, हेटौंडा । बागमती प्रदेशभर विहिबार एक हजार २६ जनाको कारोनाविरुद्ध एन्टीबडि टेष्टका लागि र्यापिड टेष्ट गरिएको छ । विहिबार बागमती प्रदेशका ७ जिल्लामा र्यापिड टेष्ट गरिएको हो । 
प्रदेश सामाजिक विकास मन्त्रालयका अनुसार काठमाडौंमा ५ सय ८१, ललितपुरमा १ सय ४८, धादिङमा २५, चितवनमा १ सय ८५, सिन्धुलीमा ३८ र काभ्रेमा २ जनाको परिक्षण गरिएको छ । मन्त्रालयको रिपोर्टमा मकवानपुरमा विहिबार दिउँसो २ बजेसम्ममा १७ जनाको परिक्षणको तथ्यांक आएको थियो । तर हेटौंडामा विहिबार ४ बजेसम्ममा ४९ जनाको परीक्षण भएको छ ।
विहिबार भएको परिक्षणमा ५ जनामा र्यापिड टेष्ट पोजेटिभ पाईएको छ । मकवानपुरका ४ जना र काठमाडौंमा एकजनामा पोजेटिभ पाईएको छ । हेटौंडामा पोजेटिभ पाईएकाहरुमा भारत विहार घर भई हेटौंडा–४ आफन्तमा आएकी ५५ बर्षीय एक महिला, भारत गएर फर्किएका हेटौंडा–२ का ६७ बर्षीय एक बृद्ध, भारत बैंग्लौरबाट फर्किएका हेटौंडा–५ का २४ बर्षिय एक युवक र साउदी अरबबाट फर्किएका हेटौंडा–४ का ३२ बर्षीय एक युवक रहेका छन् । काठमाडौंमा पोजेटिभ पाईएकीमा इटालिबाट फर्किएकी काठमाडौं बुढानिलकण्ठकी ३१ बर्षीया महिला रहेकी छिन् । 
उनीहरुको पिसिआर प्रविधिबाट थप परीक्षणका लागि स्वाब संकलन गरिएको छ । बुधबारसम्ममा र्यापिड किटबाट जाँच गरिएका १७ सय ९१ मध्ये ७ जनामा पोजेटिभ देखिएकोमा काठमाडौं सनसिटिका २ जना बाहेक सबैको नेगेटिभ पाईएको प्रदेश सामाजिक विकास मन्त्रालयले जनाएको छ ।
यो पनि पढ्नुस् : हेटौंडामा भएको र्यापिड टेष्टमा ४ जनाको पोजेटिभ           बागमती प्रदेशमा १८ सयको र्यापिड टेष्ट, सबैको रिपोर्ट आयो,
                        मकवानपुरमा २८ को र्यापिड टेष्ट, आयो यस्तो नतिजा            हेटौँडामा आजबाट र्‍यापिड टेष्ट