कारोनाबाट मर्नेको संख्या २ लाख ६ हजार नाघ्यो

१५ बैशाख, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) बाट मृतकको २ लाख ६ हजार नाघेको छ । 
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिलेसम्म कोरोना संक्रमणका कारण मर्नेको संखया २ लाख ६ हजार ९ सय ८८ पुगेको छ । पछिल्लो २४ घण्टामा संक्रमणबाट ३ हजार ७ सय ५१ जनाको मृत्यु भएको छ । 
यस्तै अहिलेसम्म कोरोना संक्रमणबाट विश्वभर कुल २९ लाख ९४ हजार ७ सय २२ जना मासिन संक्रमित भएका छन् । पछिल्लो २४ घण्टामा मात्रै ७३ हजार ८ सय ५९ जना नयाँ संक्रमित थपिएका छन् ।
संक्रमितहरु मध्ये ठूलो संख्यामा उपचारपछि निको पनि भएका छन् । पछिल्लो तथ्यांक अनुसार ८ लाख ७८ हजार ७ सय ७ जना उपचारपछि निको भएका छन् ।
यस्तै भाइरसका संक्रमणका कारण अहिले ५७ हजार ६ सय २ जना गम्भीर अवस्थामा उपचार गराइरहेका छन् भने १८ लाख ५१ हजार ४ सय २५ जनाको अवस्था मध्यम रहेको छ । 
कोरोनाको संक्रमणबाट सबैभन्दा बढी मानिसको मृत्यु अमेरिकामा भएको छ । यहाँ अहिलेसम्म ५५ हजार ४ सय १३ जनाको मृत्यु भईसकेको छ । पछिल्लो २४ घण्टामा अमेरिकामा १ हजार १ सय ५७ जना नयाँ संक्रमित थपिएका छन् ।
अमेरिकापछि अहिलेसम्म इटलीमा सबैभन्दा बढीको कोरोना संक्रमणबाट ज्यान गएको छ । यहाँ २६ हजार ६ सय ४० जनाको मृत्यु भएको छ । 
यसैगरी कोरोनासंग जुधिरहेको अर्को यूरोपेली मुलुक स्पेनमा ज्यान गुमाउनेको संख्या २३ हजार १ सय ९० पुगेको छ । 
यसैगरी फ्रान्समा संक्रमणबाट मृत्यु हुनेको संख्या २२ हजार ८ सय ५६ पुगेको छ भने बेलायतमा २० हजार ७ सय ३२ जनाको मृत्यु भइसकेको छ । 
यसैगरी कोरोना भाइरसको संक्रमणबाट बेल्जियममा ७ हजार ९४, मध्यपूर्वी एसियाली मुलुक इरानमा ५ हजार ७ सय १०, जर्मनीमा ५ हजार ९ सय ७८, नेदरल्याण्डसमा ४ हजार ४ सय ७५, ब्राजिलमा ४ हजार २ सय ७१, टर्कीमा २ हजार ७ ८ सय ५, स्विटजरल्याण्डमा १ हजार ६ सय १० जनाले ज्यान गुमाएका छन् ।
यसैगरी दक्षिण एसियाली मुलुक भारतमा वल्डोमिटरका अनुसार अहिलेसम्म ८ सय ८१ जनाको ज्यान गएको छ भने संक्रमितको संख्या २७ हजार ८ सय ९० पुगेको छ ।