सरङपुरबासीले मागे गाउँपालिका अध्यक्ष हुमागाईसँग विकासका योजना

स्थानियसँग छलफल गर्दै गाउँपालिका अध्यक्ष हुमागाईं र वडाध्यक्ष दाहाल

२९कार्तिक,हेटौडा।मकवानपुरको हेटौंडा उपमहानगरपालिकासँग सिमाना जोडिएको मकवानपुरगढी गाउँपालिकाका स्थानियाले गाउँपालिकाका अध्यक्षसँँग विभिन्न विकासका योजना माग गरेेका छन।

गाउँपालिका वडा नम्बर –६ सरङपुरबासीहरुले आफनो गाउँको लागि विभिन्न विकासका योजनाहरु माग गरेका हुन ।मकवानपुरगढी गाउँपालिका अध्यक्ष विदुर हुमागाईलाई आफनो गाउँमै बोलाएर यहाँका स्थानीयहरुले गाउँको विकासको लागि विभिन्न योजनाहरु प्रस्तुत गरेका हुन ।

स्थानीयले सडक स्तरोन्नती, विद्युतीकरण, शहिद बासुदेव मार्ग निर्माणमा प्राथकिताको माग गरेका थिए । यसैगरी सिंचाई, कृषि, रोजगार, स्वास्थ्य, शिक्षा, शिवम सिमेन्टको कारण उत्पन्न भएका प्रदुषण नियन्त्रण गर्नु पर्ने लगायतका विषयहरुमा समेत स्थानीयले जिज्ञासा राखेका थिए।गाउँपालिका अध्यक्ष हुमागाईले आफू स्थानीयले राखेका मागहरु पूरा गर्न सदैव तयार भएको बताएका छन्  ।

 "गाउँपालिकाले आफनो श्रोत साधनलाई अधिकतम प्रयोग गर्दै प्रदेश सरकारसँग मिलेर समेत काम गरेको छौ"- गाउँपालिका अध्यक्ष हुमागाईंले भने।अध्यक्ष हुमागाईले गाउँपालिकाले गरेका विभिन्न कार्यहरुको प्रचारप्रसार नभएकोमा गुनासो गर्दै भविष्यमा गाउँपालिकाले गरेका कार्यहरुको प्रचारप्रसार गरी सहयोग गर्न सञ्चारकर्मीहरुसँग आग्रह समेत गरेका थिए । कार्यक्रममा मकवानपुरगढी–६ का वडा अध्यक्ष टिकाप्रसाद दाहाल,श्रमिक दुग्ध उत्पादक सहकारी संस्थाका अध्यक्ष हरि हुमागाई,संचारकर्मी भीमसेन पौडेल, सुनिल शिवाकोटी र स्थानीयहरुको उपस्थिति रहेको थियो ।