पर्यटन देशको आर्थीक विकाशको मेरुदण्डः प्रजिअ दुवाडी

तस्विरः प्रष्ट खबर

सुनिल शिवाकोटी 
२८ असार,हेटौँडा । मकवानपुरका प्रमुख जिल्ला अधिकारी नारायणप्रसाद शर्मा दुवाडीले पर्यटन देशको आर्थीक विकाशको मेरुदण्ड भएको बताएका छन । 
जिल्ला समन्वय समितीले आयोजना गरेको हलुका सवारी चालकहरुका लागी पर्यटन प्रवद्र्धन सम्बन्धी अभिमुखिकरण कार्यक्रमा यसो बताएका हुन । कार्यक्रमका प्रमुख अतिथी रहेका प्रजिअ दुवाडीले पर्यटन देशको आर्थीक विकाशको मेरुदण्ड भन्दै पर्यटन विकासका लागी हामीमा ४ चिज जस्तै सेवा, वस्तु,पुर्वाधार र व्यवहार अनिर्वाय हुुनु पर्ने बताए । उनले हलुका सवारी साधन मयुरी, अटो मा निश्चीत भाडा दर नभएको कटाक्ष गर्दै नगरपालीकाले स्पष्ट निती बनाई भाडा दरमा एक रुपता ल्याई सवारी साधनमा स्पष्ट देखिनेगरी टाँसन अनुरोध गरे । त्यसैगरी स्थानिय विकाश अधिकारी नारायण मैनालीले पर्यटन विकासका लागी सवारी चालकमा चेतना फैलाउन कार्यक्रमको आयोजना गरीएको बताए ।  हेटौंडा उपमहानगरपालिकाका पुर्व मेयर डोरमणी पौडेलले  बजारको उचीत व्यबस्था गरि पर्यटन भित्रयाउन सबैले आ आफ्नो  क्षेत्रबाट भुमिका खेल्नुपर्ने बताए ।

कार्यक्रममा नारायणी यातायात व्यबसायी संघका अध्यक्ष  बद्री चौलागाई, हेटौँडा उपमहानगरपालिकाका शहरी बिकास, अनुसन्धान तथा वातावरण महाशाखा प्रमुख बिके महर्जन पत्रकार महासंघका पूर्व केन्द्रीय सदस्य प्रताप बिष्ट , पत्रकार महासंघ मकवानपुरका अध्यक्ष हरि हुँमागाई ,  पत्रकार महासंघ मकवानपुर उपाध्यक्ष कुमार अधिकारी , होटेल एसोसिएसनका कार्यवाहक अध्यक्ष शंकर श्रेष्ठ लगायताकाको उपस्थिती रहेको थियोे भने करिब १०० जना हलुका सवारी चालकहरुको सहभागीता रहेको थियो । सहभागी सबै हलुका सवारी चालकहरुलाई प्रशिक्षण दिइने जिल्ला समन्वय समितीका   सामाजिक विकास अधिकृत रामकृष्ण थापाले बताए ।