महिला जागरणको सभा सम्पन्न

४ भदौं, हेटौँडा । मकवानपुरगढी–३, मक्रान्चुलीमा रहेको महिला जागरण बचत तथा ऋण सहकारी संस्था लिमिटेडको १९ औं वार्षिक साधारण सभा सम्पन्न भएको छ । 
साधारण सभामा संस्थाकी अध्यक्ष कल्पना श्रेष्ठले संस्थागत प्रतिवेदन, सचिव गौरी सुवेदीले प्रगति प्रतिवेदन र कोषाभ्यक्ष शर्मिलाकुमारी घिमिरेले आर्थिक प्रतिवेदन पेश गरेका थिए । भेलामा उत्कृष्ठ ऋणीमा विष्णुकुमारी सुवेदी,अनिता गलाम्चे, देवकी घिमिरे, बालबचतमा आशा दाहाल र एलिसा भ्लोन, खुत्रुके बचतमा विन्दुमाया लोप्चन, उत्कृष्ठ समूहमा विहानी महिला समूह, सूर्य महिला समूह(क) सरस्वती महिला समूह र फिल्ड व्यवस्थापनमा चन्द्रावती रेग्मीलाई पुरस्कृत गरिएको थियो । 
भेलामा मकवानपुरगढी गाउँ पालिकाका अध्यक्ष विदुर हुमागाई,उपाध्यक्ष हर्कमाया रुम्वा,२ नं.वडाध्यक्ष बखानसिह पाख्रिन, ३ का भागवत घिमिरे,४ का रामप्रसाद तिमल्सिना र वडा सदस्यहरुलाई समेत सम्मानित गरिएको थियो ।  मकवानपुरगढी गाउँ पालिकाका अध्यक्ष विदुर हुमागाईको प्रमुख आतिथ्यता एवम संस्थाकी अध्यक्ष कल्पना श्रेष्ठको अध्यक्षतामा साधारण सभा भएको थियो । अघिल्लो आवमा ५ करोड २१ लाखको कारोवार गर्न सफल भएको सहकारीले चालु आवमा करीव ६ करोड ५० लाखको कारोवार गर्ने लक्ष्य राखेको छ ।