आइशोलेसनमा कोभिड रेस्पोन्स कार्यदल हेटौंडा-६ द्वारा स्वास्थ्य सामाग्री सहयोग

भीमसेन पौडेल

२८ जेठ,हेटौडा । समुदायमा फैलिएको कोरोना भाईरसलाई नियन्त्रण गर्न हेटौंडा-६ र १७ मा  गठित कोभिड १९ सामुदायिक रेस्पोन्स कार्यदलले मकवानपुरगढी–३ मा रहेको आईसोलेसन वार्डलाई शुक्रवार स्वास्थ्य सामाग्री प्रदान गरेको छ ।कार्यदलले आईसोलेसन वार्डलाई २५ कार्टुन पानी,३ वटा छाता,२ सेट पिपिइ,मास्क २ पाकेट, सेनेटाईजर ९ वटा र फेसशिल्ड ८ वटा सहयोग गरेको कार्यदलका सहसंयोजक भरत सापकोटाले बताए।

उक्त सामाग्रीहरु कार्यदलका राहत तथा आर्थिक उपसमितिका संयोजक नवराज न्यौपानेले आईसोलेसन वार्ड ईन्चार्ज सन्देश घिमिरेलाई हस्तान्तरण गरेका थिए। कार्यदलले आईसोलेसनमा बसेका ६ जना संक्रमितहरुलाई पौष्टिक आहार समेत वितरण गरेको छ।

स्वास्थ्य सामाग्री हस्तान्तरण कार्यक्रममा कार्यदलका राहत तथा आर्थिक उपसमितिका सहसंयोजक देवराज गौतम, कार्यदलका सदस्य पवन दुलाल, सुन्दरराज आचार्य, उत्तम ढकाल, भीमसेन पौडेल लगायतको सहभागिता थियो । 

यसैगरी कार्यदलले हेटौडा–६ मा रहेका संक्रमितहरुलाई घरघरमा पुगी स्वास्थ्य सल्लाह र स्वास्थ्य सामाग्री प्रदान गरेको छ ।वडाको पुतलीबजार, हात्तीलेट र रामनगरमा पुगी संक्रमितहरुलाई च्यवनप्राश, मास्क, सेनेटाईजर प्रदान गरिएको कार्यदलका राहत तथा राहत उपसमितिका सहसंयोजक देवराज गौतमले बताएका छन्।