प्रगतिको कारोबार १० करोड ५० लाख

१३ भदौं, हेटौंडा । हेटौडामा रहेको प्रगति बचत तथा ऋण सहकारी संस्थाले आव ०७३/०७४ मा करीव १० करोड ५० लाखको कारोवार गर्न सफल भएको छ । संस्थाको मंगलबार हेटौडामा भएको एघारौं बार्षिक साधारण सभाको अवसरमा कारोबारबारे जानकारी दिईएको हो । 
संस्थाको शैयर पूजी ५७  लाख १४ हजार, निक्षेप संकलन ४ करोड २ लाख, ५ कारेड ५० लाख, ऋण लगानीबाट व्याजबाट ८० लाख आम्दानी गर्न सफल भएको संस्थाले जनाएको छ । संस्थाले चालु आव ०७४/०७५ मा १२ करोड ६४ लाख कारोवार गर्ने लक्ष्य राखेको छ । 
साधारण सभामा संस्थाका अध्यक्ष बद्रीप्रसाद लम्सालले संस्थागत प्रतिवेदन, कोषाध्यक्ष कुमारमणी दाहालले आर्थिक प्रतिवेदन, लेखा संयोजक तेजप्रसाद रुपाखेतीले लेखा समितिको प्रतिवेदन र र सचिव रामजी सापकोटाले ऋण समितिको प्रतिवेदन प्रसतुत गरेका थिए । भेलामा उत्कृष्ट बचतकर्ता अशेष लामिछाने, संगिता पुडासैनी, उत्कृष्ठ ऋणी मनकुमारी लामा, रामचन्द्र बत्र्तौला, रमा ढुङगाना, उत्कृष्ट खुत्रुके बचतकर्ता आर्या अधिकारी, र युनिका केसीलाई पुरस्कृत गरिएको थियो । यसैगरी ज्येष्ठ सदस्य सानुमैया श्रेष्ठ, मोतीप्रसाद अर्याल, उत्कृष्ट ऋणी नवराज घिमिरे,पार्वती न्यौपाने, कृष्णबहादुर ढुङगाना र उत्कृष्ट सहकारीकर्मीमा शंकरराज बानियालाई पुरस्कृत गरेको छ । 
नेपाल बचत तथा ऋण सहकारी संघकी केन्दीय सदस्य शान्ति अधिकारीको प्रमुख आतिथ्यता एवम संस्थाका अध्यक्ष बद्रीप्रसाद लम्सालको अध्यक्षतामा साधारण सभा भएको थियो । साधारण सभामा केन्द्रीय दुग्ध सहकारी संघका केन्द्रयि अध्यक्ष नारायणप्रसाद देवकोटा, डिभिजन सहकारी कार्यालयका सहकारी अधिकृत तिलकराम पोखरेल, मकवानपुर जिल्ला बचत तथा ऋण सहकारी संघकी अध्यक्ष राधा सिङतान, युवा सहकारीका अध्यक्ष राजु गौतम,संस्थाका उपाध्यक्ष एकालाल
श्रेष्ठ,व्यवस्थापक बद्री भण्डारी, शेयर सदस्य नारायणप्रसाद अधिकारी लगायतकाले मन्तव्य व्यक्त गरेका थिए ।