पैचो पसल प्रालीको  उत्पादन र सेवाबारे जानकारी

तस्विरः सुनिल शिवाकोटी /प्रस्ट खबर

२४भदौँ,हेटौँडा । लामो समयदेखि शहरमा बसोबास गर्दै आएपनि गाँउबस्तीको परिकारलाई भुल्न नसकेका उपभोक्तालाई गाउँघरको उत्पादन, त्यसमा पनि पहाडी र उच्च पहाडी क्षेत्रमा उत्पादन भएका कृषि उत्पादनहरुको बजारिकरण गर्ने उद्देश्यले स्थापित पैचो पसल प्रालीले आफ्नो उत्पादन र सेवाबारे जानकारी दिएको छ ।

 शनिबार  हेटौँडामा  पत्रकार सम्मेलनको आयोजना गर्दैै प्रालीका बजार तथा मिडीया निर्देशक शरण कर्मार्चायले पैचो पसल प्रालीको उत्पादन र सेवाबारे जानकारी दिएका हुन् । 
कम्पनीका बजार तथा मिडीया निर्देशक कर्मार्चायले अढाई वर्ष पहिले ३ करोडको लगानीमा गुल्मीको बलेटक्सार गाउँबाट सुरु गरिएको पैचो पसल आफ्नै उत्पादनसहित राजधानी काठमाडौं, पोखरा, नेपालगन्ज, नारायणगढ, भैरहवा—बुटवल हुंदै  सुन्दर पर्यटकीय नगरी हेटौडामा प्रवेश गर्न लागेकोमा खुशी व्यक्त गर्दै उनले ‘बसे पनि शहर गाँउकै खाने रहर’ भन्ने मुल मन्त्रलाई आत्मासाथ गर्दै प्रालिले विश्व स्वास्थ्थ संगठनले निर्धारण गरेको मापडण्डमा आधारित आईपीएम पद्धतीका तरकारी तथा फलफुल गर्ने लक्ष्यका साथ प्रालीले गत बैशाखबाट अत्याधुनिक प्रशोधन कारखानाबाट २७ प्रकारका खाद्य बस्तु उत्पादन गर्ने गरेको बताए ।  
कार्यक्रममा पत्रकार महासंघ मकवानपुरका अध्यक्ष हरी हुमागाई ,मकवानपुर उद्योग बाणिज्य संघका अध्यक्ष राजकुमार न्यौपाने, होटल एसोसिएसन मकवानपुरका अध्यक्ष भगीरथ शर्मा  लगायतले पैचो पसल प्रालीको गरेको कार्यको प्रशंसा गर्दै सफलताको शुभकामना  व्यक्त गरेका थिए ।  कार्यक्रममा पत्रकार महासंघ मकवानपुरका पुर्व अध्यक्ष नवराज शर्मा,प्रताप बिष्ट, डिलर एसोसिएसन मकवानपुरका अध्यक्ष विजय कुमार श्रेष्ठ , किराना व्यबसायी संघ मकवानपुरका अध्यक्ष कुल प्रसाद चौलागाई लगायत संचारकर्मी तथा व्यवसायीहरुको सहभागीता रहेको थियो ।