संजिवनीको वार्षिक साधारण सभा सम्पन्न

तस्विरः प्रस्ट खबर

२४भदौँ, हेटौडा । हेटौँडा ५ मा रहेको  संजिवनी वचत तथा ऋण सहकारीले आर्थीक बर्ष ०७३  ०७४ मा ६६ लाख २ हजार २ सय ३७ नाफा गरेको  छ ।  शनिबार सम्पन्न १६ औं वार्षिक साधारण सभा मार्फत यो जानकारी गराईएको हो । संस्थाका अध्यक्ष रण बहादुर कार्कीले आव ०७३ ०७४ मा २१ करोड १० लाख ५ हजार ४२ पुँजी रहेको र २ करोड ७४ लाख २४ हजार ८ सय ४ आम्दानी र २ करोड ८ लाख २२ हजार ५ सय ६७ खर्च सहित ६६ लाख २ हजार २ सय ३७ नाफा भएको  बताएका हुन । 

हेटौडा नगरका मेयर हरि बहादुर महतको प्रमुख अतिथ्यतामा सम्पन्न  साधारण सभामा मकवानपुर वचत तथा ऋण सहकारी संघ की अध्यक्ष राधा सिंतान, वडा नं. ५का वडा अध्यक्ष राजेश बाँनिया, युवा साकोस का अध्यक्ष राजु गौतम लगायत हेटौडाका विभिन्न सहकारी संस्थाका प्रतिनिधिहरुको उपस्थिति रहेको थियो भने सभा संस्थाका अध्यक्ष रण बहादुर कार्कीको सभाअध्यक्षतामा भएको थियो ।
सभा मार्फत सहकारीले आफ्नो ६ जना वृद्ध शेयर सदस्यलाई सम्मान गरेको छ । सम्मानीत हुनेमा ७७ वर्षिय त्रिविक्रम श्रेष्ठ, ७५ वर्षिय रामप्रसाद भण्डारी ७३ वर्षिय दिलबहादुर तामाङ, ७२ वर्षिय शिवहरि घिमिरे, ७० वर्षिय कृष्ण बहादुर श्रेष्ठ, ७० वर्षिय किर्ति बहादुर श्रेष्ठ र ६९ वर्षिय पद्म कुमारी श्रेष्ठ लगायतका रहेका छन । त्यसैगरि शेयर सदस्यका जेहेन्दार छोराछोरीहरुलाई पनि पुरस्कार वितरण गरिएको छ । पुरस्कृत हुने छात्रा छात्रहरुमा प्रदोष अधिकारी, स्वस्तिका वाग्ले, अनमोल बरुवाल, आशिष थापामगर र प्रविणा लामिछाने रहेका छन्, ।
त्यसैगरी सहकारीले  लक्ष्मी नेपाल र हरि बहादुर तिमल्सिनालाई असल ऋणिको रुपमा पुरस्कृत  गरिएको छ, भने सुष्मा श्रेष्ठ, राजु बस्नेत र राम प्रसाद संजेल लाई असल वचत कर्ताको रुपमा  पुरस्कृत गरिएको थियो भने  सभामा संस्थाकी सचिव जानकी चौधरीलाई कदर पत्र सहित सम्मान गरिएको छ ।