सहकर्मी सहकारीको साधारण सभा

३१ भदौ, चौघडा । हेटौडा–१६ चिसापानीमा रहेको सहकर्मी बचत तथा ऋण सहकारी संस्थाको १२ औं वार्षिक साधारण सभा शनिवार सम्पन्न भएको छ ।
साधारण सभाम संस्थाका अध्यक्ष मदनकुमार दहालले संस्थागत प्रतिवेदन, कोषाध्यक्ष विजय नेपालले आर्थिक प्रतिवेदन, सचिव विष्णुमान श्रेष्ठले ऋण समितिको प्रतिवेदन र लेखा समितिका सदस्य शिवप्रसाद चौलागाईले लेखा समितिको प्रतिवेदन प्रस्तुत गरेका थिए ।
भेलामा नियमित बचतकर्ता  नवराज पनेरु, ईश्वरी थापा चौलागाई, उत्कृष्ठ ऋणी बलराम थापा,लक्ष्मीदेवी खनाल, ज्येष्ठ शेयर सदस्य रामभक्त परियार, विमलादेवी छत्कुली, २०७३ सालको एसइई परीक्षामा उत्कृष्ठ अंक हासिल गर्ने सुविना चापागाई, ऋषव ढुंगाना र पुष्पा पोखरेललाई पुरस्कृत गरिएको थियो । 
डिभिजन सहकारी कार्यालय मकवानपुरका सहकारी निरीक्षक विष्णुप्रसाद अर्यालको प्रमुख आतिथ्यतामा भएको साधारण सभामा मकवानपुर जिल्ला बचत तथा ऋण सहकारीका कोषाध्यक्ष विजय बस्नेत, जिल्ला सहकारी संघका सञ्चालक अर्जुन वाग्ले, गरिवी निवारण सहकारीका अध्यक्ष पुष्पराज पराजुली, चिसापानी सहकारीका अध्यक्ष कृष्णप्रसाद सापकोटा, चेतनशिल दुग्ध उत्पादक सहकारी संस्थाका अध्यक्ष कृष्णप्रसाद घिमिरे, संस्थाकी उपाध्यक्ष शोभा पाठक लगायतकाले मन्तव्य व्यक्त गरेका थिए ।