मकवानपुर नमूनाको कारोबार साढे १२ करोड

५ असोज, हेटौँडा । हेटौडा–२ मा रहेको मकवानपुर नमूना बचत तथा ऋण सहकारी संस्थाले आव ०७३÷०७४ मा १२ करोड ५२ लाखको कारोवार गर्न सफल भएको छ । संस्थाको विहिवार हेटौडामा भएको १७ औं वार्षिक साधारण सभाको अवसरमा व्यवस्थापक निशा तिमल्सिनाले लेखा परीक्षण प्रतिवेदन प्रस्तुत गर्दै यस्तो जानकारी गराएकी हुन् ।
शेयर पूँजी १ करोड २३ लाख, जगेडा कोष ८४ लाख, निक्षेप ६ करोड ९० लाख, तिर्न बाँकी ऋण २ करोड १७ लाख,लगानीबाट व्याज प्राप्त १ करोड १३ लाख रहेको छ । यसैगरी प्रशासनिक आम्दानी ७८ लाख, बैक व्याज ५ लाख, घरभाडा १ लाख ६५ हजार रहेको छ । साधारण सभामा संस्थाका अध्यक्ष मिठाराम दहालले संस्थागत प्रतिवेदन, लेखा सुपरिवेक्षण समितिका संयोजक देवराज अधिकारीले लेखा समितिको प्रतिवेदन र ऋण उपसमितिका संयोजक रमेशप्रसाद घिमिरेले ऋण समितिको प्रतिवेदन प्रस्तुत गरेका थिए ।
साधारण सभामा संस्थामा आवद्ध भै स्थानीय निकायमा विजयी हुने जनप्रतिनिधीहरु,असली कारोवारी राजकुमार पुडासैनी, असली बचतकर्ता माधवी सापकोटा, निता तामाङ, उत्कृष्ठ कृषक देवप्रसाद घिमिरे, उत्कृष्ट कुखुरापालक कालीमान तितुङ र उत्कृष्ठ पशुपालकमा रामहरी संजेललाई सम्मानित गरिएको थियो । यसैगरी ज्येष्ठ शेयर सदस्य हिरादेवी दहाल र होमनाथ विडारी, उतकृष्ट विद्यार्थीमा आश्वासन दाहाल, अनुराज गौतम र बन्दना दाहाल, पूरानो विद्यालयमा मकवानपुरगढी–२ कुर्लेमा रहेको बंशगोपाल मावि र खेलकुदमा क्रिकेटर रिजन ढकाललाई समेत सम्मानित गरिएको थियो ।
मकवानपुर जिल्ला सहकारी संघका अध्यक्ष बद्रीप्रसाद लम्सालको प्रमुृख आतिथ्यतामा भएको साधारण सभामा हेटौडा–६ का वडा अध्यक्ष अर्जुनप्रसाद चौलागाई, जिल्ला सहकारी संघका सचिव राजु गौतम, जिल्ला बचत तथा ऋण सहकारी संघकी सचिव कल्पना श्रेष्ठ, उपाध्यक्ष नारायणप्रसाद देवकोटा, सल्लाहकार उद्धवप्रसाद दाहाल, राजु ढकाल र भीमसेन पौडेल लगायतकाले मन्तव्य व्यक्त गरेका थिए ।