जनहितको अध्यक्षमा पौडेल

२० असोज, हेटौँडा । जनहित स्वावलम्बन बचत तथा ऋण सहकारी संस्था गढी–५ खैरेनीको १२ औं साधारण सभा एवं पाँचौ अधिवेशन सम्पन्न भएको छ ।

अधिवेशनले चण्डिका पौडेलको अध्यक्षतामा नयाँ कार्यसमिति चयन गरेको छ । संस्थाको उपाध्यक्षमा उपाध्यक्षमा देवानसिं दोड, सचिवमा श्रीराम दाहाल, कोषाध्यक्षमा भगवति न्यौपाने,  सदस्यहरुमा हिराकुमारी आचार्य, खडानन्द न्यौपाने, केशरीमाया लामा, पुजा न्यौपाने, भीमबहादुर दोङ रहेका छन् । संस्थाको लेखासमिति संयोजकमा राजकुमार फुयाल, सदस्यमा सिता लम्साल र खेमनाथ तिमल्सिना रहेका छन् ।

डिभिजन सहकारी कार्यालय हेटौँडाका सहकारी निरिक्षक विष्णुप्रसाद अर्यालको प्रमुख आतिथ्यता एवं संस्थाका अध्यक्ष अर्जुनबहादुर रुम्बाको अध्यक्षतामा भएको कार्यक्रममा संस्थालाई स्थापनाकालदेखि कारोबारमा सहयोग गर्ने जगतमाया गोले, दिनानाथ दुलाल, चन्द्रमाया घलान, यमप्रसाद तिमल्सिना, बुधलक्ष्मी विकलाई सम्मान गरिएको थियो । संस्थाले जनज्योति आयआर्जन समूह, गुराँस आयआर्जन समूह, मनकामना आयआर्जन समूह, लालिगुराँस आयआर्जन समूहलाई पनि नगदसहित पुरस्कृत गरिएको थियो । त्यस्तै, सिर्जनशिल बाल समूह, जनज्योति बाल समूह, बंशगोपाल बाल समूह र सुनौलो भविष्य बाल समूहलाई पनि सम्मान गरेको थियो ।

कार्यक्रममा ५ नम्बर वडा अध्यक्ष जीतबहादुर घिमिरे, महिला कल्याण सहकारी संस्थाका अध्यक्ष सुलोचना स्यांतान लगायतको सहभागिता रहेको थियो । संस्थाले आव ०७३/७४ मा एक करोड ८६ हजार १ सय १८ रुपैँयाको कारोबार गरेको कार्यक्रममा जानकारी दिईएको थियो ।