गढी दरबारलाई बानियाँको ४० लाख

६ कार्तिक, हेटौँडा । संरक्षणको पखाईमा रहेको मकवानपुरगढी दरबार पुर्ननिर्माण गरिने भएको छ । 
त्यसका लागि मकवानपुर गढी पर्यटन विकास समन्वय समितिले गुरुयोजना तयार गरी पुरातत्व विभागमा पेश गरेको छ । विभागले पहिलो चरणमा मकवानपुर गढीको सिमाना छुट्याई पुर्ननिर्माण कार्य थाल्न ८५ लाख रुपैँया विनियोजन गरेको समितिका सचिव केदार न्यौपानेले बताए । 
जिल्ला समन्वय समितिको सहयोगमा सबै संरचना पुर्ननिर्माणका लागि ४० करोड रुपैँया खर्चिने गरी गुरुयोजना बनाएर विभागमा पेश गरेको बताउँदै समितिका सचिव न्यौपानेले विभागले योजना स्विकृत गरी क्रमशः पुनर्निर्माणको काम अघि बढाउने आवश्वासन दिएको बताए । पूर्व संस्कृति, पर्यटन तथा नागरिक उड्डयन राज्यमन्त्री ईन्द्रबहादुर बानियाँले सांसद विकास कोषमार्फत ४० लाख रुपैँया गढीदरबार पुर्ननिर्माण शुरुवातका लागि प्रदान गरेको खबर अन्नपुर्ण पोष्टमा कृष्ण सारु मगरले लेखेका छन् । 
मकवानपुर क्षेत्र नम्बर १ बाट निर्वाचित सांसद समेत रहेका बानियाँको सक्रियातामा गुरुयोजना तयार पारेको जनाईएको छ । समितिले पुरानो संरचनामा रहेको दुईतले गढी दरबार, दरबार परिसरमा दुईवटा मन्दिर, दुईवटा टावर लगायतका संरचना निर्माणको प्रस्ताव गरेको छ ।