जनकल्याणका पदाधिकारीहरुद्वारा शपथ

१३ कार्तिक, हेटौँडा । हेटौडा–६, चौघडामा रहेको जनकल्याण बचत तथा ऋण सहकारी संस्था लिमिटेडको नवनिर्वाचित पदाधिकारीहरुको शपथ ग्रहण तथा प्रमाण पत्र वितरण कार्यक्रम सम्पन्न भएको छ । नयाँ कार्यसमितिलाई निर्वाचन अधिकृत बद्रीबहादुर पाठकले सपथग्रहण गराएका हुन् ।

कार्यक्रममा हेटौडा–६ का वडा अध्यक्ष अर्जुनप्रसाद चौलागाई, ७ का  वडा अध्यक्ष राजन थापा, डिभिजन सहकारी कार्यालय मकवानपुरका प्रमुख तिलकराम पोखरेल, संस्थाका संस्थापक अध्यक्ष बासुदेव अधिकारी, निवर्तमान अध्यक्ष रघुप्रसाद आचार्य, पूर्व सल्लाहकार गणेशकुमार श्रेष्ठ, निवर्तमान उपाध्यक्ष नारायणप्रसाद अधिकारी, निर्वाचन समितिका सदस्य अश्विनकुमार अर्याल, बद्रीप्रसाद भण्डारी लगायतले मन्तव्य व्यक्त गरेका थिए । कार्यक्रम निर्वाचन समितिका संयोजक बद्रीबहादुर पाठकको अध्यक्षतामा भएको थियो । 
शनिवार भएको निर्वाचनबाट अध्यक्षमा हिमाल पौडेल, लेखा सुपरिवेक्षण समितिको संयोजकमा दिपनराज आचार्य, सञ्चालक समितिको सदस्यहरुमा तेजप्रसाद भट्टराई, लक्ष्मण सापकोटा, तेजप्रसाद तिवारी, रेखा मैनाली, निर्मला तिमल्सिना र हिरादेवी महर्जन निर्वाचत भएका थिए ।

उपाध्यक्षमा श्यामप्रसाद भट्टराई, सचिवमा मीना अधिकारी,कोषाध्यक्षमा चेतनाथ खतिवडा, लेखा सुपरिवेक्षण समितिको सदस्यमा रामशरण पौडेल र राजकुमार बास्तोला यस अघि नै निर्विरोध निर्वाचित भएका थिए ।