चुच्चेखोला सहकारीमा पुनः कटुवाल

८ पुस, हेटौंडा । हेटौंडा–६ चुच्चेखोलामा रहेको चुच्चेखोला सामुदायिक वन उपभोक्ता बचत तथा ऋण सहकारी संस्था लिमिटेडको अध्यक्षमा पुनः लक्ष्मण कटुवाल चयन भएका छन् । संस्थाको १२ औं वार्षिक साधारण सभाले कटुवालको अध्यक्षतामा ९ सदस्यीय नयाँ सञ्चालक समिति सर्वसम्मत चयन गरेको हो । 
संस्थाको उपाध्यक्षमा अर्जुनप्रसाद देवकोटा, सदस्यहरुमा कल्पना पराजुली, सरिता खड्का, मनमाया राई, भीमप्रसाद वाग्ले, रामप्रसाद गौतम, धनबहादुर गौतम र गोकर्ण राई चयन भएका छन् । यसैगरी लेखा सुपरिवेक्षण समितिको संयोजकमा कुमारमणी दाहाल, सदस्यमा पार्वती चौलागाई र केशवप्रसाद देवकोटा चयन भएका छन् ।
साधारण सभाको उदघाटन सत्रमा संस्थाका अध्यक्ष कटुवालले संस्थागत प्रतिवेदन, लेखा समितिका संयोजक अर्जुनप्रसाद देवकोटाले लेखा समितिको प्रतिवेदन, ऋण उपसमितिका संयोजक धनबहादुर गौतमले ऋण उपसमितिको प्रतिवेदन र व्यवस्थापक रीता गौतमले चालु आवको लागि १ करोड ५० लाखको अनुमानित आयव्यय विवरण प्रस्तुत गरेकी थिईन् ।
साधारण सभामा नियमित बचतकर्ता धु्रवप्रसाद न्यौपाने, असली कारोवारी बबिताकुमारी चौधरी, बढी रकम जम्मा गर्ने शम्भुप्रसाद अधिकारी,उत्कृष्ट विद्यार्थी राकेश नेपाली, प्रशान्त गौतम, सरिता चौलागाई र सुमित घिमिरेलाई पुरस्कृत गरिएको थियो । 
हेटौडा उपमहानगरपालिका १७ का वडा अध्यक्ष भैरबबहादुर राईको प्रमुख आतिथ्यतामा भएको भेलामा कामधेनु बहुउद्धेश्यीय सहकारी संस्थाका अध्यक्ष गौरबकुमार पराजुली, नारीचेतना बचत तथा ऋण सहकारी संस्थाकी अध्यक्ष ज्ञानु अर्याल, संचारकर्मी भीमसेन पौडेल, केदार गौतम, शेयर सदस्य मन्दिरा घिमिरे, हिरादेवी दाहाल, शालिकराम घिमिरे लगायतकाले मन्तव्य व्यक्त गरेका थिए ।