उद्योग संघ मकवानपुरको १६ औ साधरण सभा सुरु

१० पुस, हेटौँडा । उद्योग संघ मकवानपुरको १६ औ साधरण सभा हेटौडामा सुरु भएको छ ।  नेपाल उद्योग परिसंघका अध्यक्ष हरिभक्त शर्मा र उद्योग संघ मकवानपुरका अध्यक्ष नवराज अर्यालले संयुक्त रुपमा पानसमा बत्तिबालेर साधरण सभा उद्घाटन गरेका थिए । 

प्रमुख अतिथी रहेका शर्माले कार्यक्रममा बोल्दै नेपालमा रहेका उद्योगहरुको उचित व्यवस्थापन नभए र उद्योगहरुका लागि सरकारको स्पष्ट निती नआए उद्योगहरु धरासायी हुने बताएका छन  ।  उद्योग संघ मकवानपुर अध्यक्ष नवराज अर्यालले स्वागत मन्तव्य व्यक्त गर्दै संघको प्रतिवेदन प्रस्तुत गरेका थिए । अर्यालले संघले यस बर्ष भित्र आफनो भबनमा सचिबालय संचालनमा ल्याउने  बताए ।  उनले संघको पहलमा यो बर्ष ५ मेगावाट बिजुली थप भएको र थप बिद्युत्तले बर्षै देखी निर्माण सम्पन्न भई भएर बसेका  उद्योगको संचालनमा सहयोग पुग्ने बताएका छन  । उनले हेटौँडा ८ र ९ नम्बर वडाका स्थानियलाई सहजताको लागि एम्बुलेन्स सेवा संचालनमा ल्याएको बताउदै उद्योग संघ मकवानपुरलाई यहा सम्म पुयाउन सहयोग गर्ने सम्पूर्णलाई धन्यवाद व्यक्त गरे ।  

 उद्योग संघ मकवानपुरका अध्यक्ष नवराज अर्यालले सभाध्यक्षतामा सम्पन्न कार्यक्रममा प्रतिनिधी सभा सदस्यहरु कृष्ण दाहाल, विरोध खतिवडा , प्रदेश सभा सदस्यहरु प्रेम बहादुर पुलामी, डोरमणी पौडेल, कुमारी मुक्तान , जिल्ला समन्वय समितीका अध्यक्ष रघुनाथ खुलाल, प्रमुख जिल्ला अधिकारी चक्र बहादुर बुढा, नेपाल उद्योग परिसंघका उपाध्यक्ष सतिस मोर ,द्धीतिय उपाध्यक्ष कृष्ण अधिकारी  जिल्ला प्रहरी कार्यालय मकवानपुरका डिएसपि दिलिप राज झा , नारायणी यातायात व्यवसायि संघका अध्यक्ष  बद्री चौलागाई ,होटल एसोसिएसन मकवानपुरका अध्यक्ष भगीरथ शर्मा लगायत राजनैतिक दलका प्रतिनिधी ,उद्योगी व्यवसायीहरुको उपस्थित रहेको थियो । 
   उद्योग संघद्धारा पत्रकार , महिला  सहित एक उद्योगलाई सम्मान 
    उद्योग संघ मकवानपुरले उद्योग संघ मकवानपुरको १६ औ साधरण सभा मार्फत पत्रकार , महिला  सहित एक उद्योगलाई सम्मान  गरेको छ । जिल्लाको  पत्रकारीताको माध्यमबाट योग्दान पुयाए बापत नेपाल पत्रकार महासंघ मकवानपुरका अध्यक्ष हरी हुमागाईलाई उद्योग संघको उत्कृष्ट पत्रकारीता पुरस्कारबाट सम्मान गरीएको छ ।
त्यसैगरी उद्योग संघले समाजिक दायत्वमा अनुकरणीय कार्य गरेको भन्दै राक्सिराङ्ग ९ कि मासिका अकमाया थिङ्गलाई  नारायण प्रसाद बाल्मिका भण्डारी उत्कृष्ट महिला पुरस्कारबाट  सम्मान गरेको छ ।त्यसैगरी यस बर्ष देखि प्रदान गरिएको उद्योग संघ उत्कृष्ट उद्योगबाट नेपाल ह्यिुम पाईप उद्योगलाई सम्मान गरिएको छ  ।

सम्माानित सवैलाई जनही नगद १० हजार सहीत दोसल्ला तथा सम्मान पत्रले  सम्मानित गरिएको थियो  । साधरण सभा संगै आज संघले नया कार्यसमिति समेत चयन गर्ने बताईएको छ ।