मकवानपुर उद्योग वाणिज्य संघमा महेन्द्र राउत समूहको प्यानल घोषणा

१० पुष, हेटौँडा । मकवानपुर उद्योग वाणिज्य संघको निर्वाचनको लागि वर्तमान महासचिव महेन्द्र राउतले प्यानल सहीत अध्यक्षमा उम्मेद्वारी घोषणा गरेकाछन् । आगामी पुष १५, १६ र १७ मा हुने संघको अधिवेशनका लागि यस अघिनै अध्यक्ष पदमा उम्मेदवारी घोषणा गरेका राउतले प्यानल सहितको उम्मेदवारी घोषणा गरेका हुन् ।
सोमबार पल्पसा सभाहलमा घोषणा कार्यक्रमको आयोजना गरी संघका पूर्व अध्यक्ष लगाएत व्यवसायीवीच उम्मेदवारी घोषणा गरिएको हो । निर्वाचनमा राउतको प्यानलमा वाणिज्य तर्फका उपाध्यक्षमा कृष्णकुमार गुप्ता अग्रवाल, एशोसिएट तर्फको उपाध्यक्षमा उज्वल चौलागाई र उद्योग तर्फको उपाध्यक्षमा रबिन्द्रप्रसाद घिमीरेको उम्मेद्वारी घोषणा भएको छ ।
यस्तै वाणिज्य तर्फको सदस्यहरुमा राजेन्द्र लामिछाने, पवन कुमार अग्रवाल, मनोज जालान, कृष्णप्रसाद ढ्ङ्गाना, दिवस पराज्ुली, जावेद हुसेन र दिलीस गोबिन्द जोशी रहेकाछन् । यस्तै एशोसियट सदस्यहरुमा उपेन्द्र सुबेदी, प्रल्हाद चौलागाई र यमबहादुुर सिलवालले उम्मेद्वारी घोषणा गरेका छन् ।
यस्तै उद्योग तर्फको सदस्यमा राजु नेपाल, नरेन्द्र भण्डारी, गँगाप्रसाद पौडेल, निप्पु सर्राफ र प्रतिमा श्रेष्ठको उम्मेदवारी घोषणा गरिएको छ भने वस्तुगत तर्फको सदस्यहरुमा राजु अधिकारी र तेजराज अधिकारीको उम्मेद्वारी घोषणा भएको छ ।
घोषणा कार्यक्रममा पूर्व अध्यक्षहरु दिपकप्रसाद श्रेष्ठ, जीवनकाजु माकजु, संघका वर्तमान अध्यक्ष राजकुमार न्यौपाने, सल्लाहकार रामचन्द्र अर्याल माईकल, प्रदिप कोइराला, बालकृष्ण चौलागाई लगाएतको उपस्थिती रहेको थियो ।