मकवानपुर उद्योग बाणिज्य संघको पुस १५ गतेदेखि शुरु हुन गईरहेको ५१ औं बार्षिक साधारण सभामा नेतृत्वका लागि अहिले मत माग्ने क्रम जारी छ । दुई प्यानलमा विभाजित भएर व्यवसायीहरु चुनावी मैदानमा उत्रिएका छन् । एउटा प्यानलको नेतृत्वका वर्तमान कार्यसमितिका बरिष्ठ उपाध्यक्ष कृष्ण कटुवालले गरेका छन् । चुनावी मैदानमा रहेका अध्यक्षका उम्मेदवार एवं वर्तमान बरिष्ठ उपाध्यक्ष कुटवालसंग सम्पादक रुपेश दुलालले गरेको अन्तरवार्ता ।
मकवानपुर उद्योग बाणिज्य संघको अध्यक्षमा यहाँको उम्मेदवारी किन ?
विगत लामो समयदेखि मकवानपुर उद्योग बाणिज्य संघमा मैले विभिन्न जिम्मेवारीमा रहेर काम गर्ने अवसर पाएँ । विधान त म अहिले बरिष्ठ उपाध्यक्ष छु । चार कार्यकालको अनुभव भएको अहिले कोहीसंग हुनुहुन्न, म जस्तै अनुभव भएका दुईजना साथीहरु उद्योग र बाणिज्यतर्फको उपाध्यक्षमा उम्मेदवारी दिनु भएको छ । म संग वर्तमान बोर्डमा रहेका अधिकांश साथीहरु म संग हुनुहुन्छ, उहाँहरुसंग पनि लामो अनुभव छ । व्यवसायिक अनुभव र अनुभवी टिमको साथमा व्यवसायिक हितमा काम गर्न मैले उम्मेदवारीको घोषणा गरेको हुँ ।
व्यवसायिक हितमा के काम गर्नुहुन्छ ?
उद्योग बाणिज्य संघमा गएर गर्ने भएको पूर्वजहरुले जुन जुन एजेण्डा राख्नु भएको छ त्यो एजेण्डाहरुलाई यथावत कायम राख्दै व्यवसायिक हितमा काम गर्ने हो । व्यवसायीहरुको करसम्बन्धी समस्या, नगरपालिकासम्बन्धी समस्या, घरेलुसम्बन्धी समस्या, न्यून विजकीकरणका समस्या, अनुगमनका विषयहरु जस्ता कुराहरुमा आएका समस्या समाधान गर्ने हो । प्रशासनिक कामसंगै व्यवसायीहरुलाई सुविधा दिने, संस्था बलियो बनाउने, कर्मचारीहरुलाई प्रोत्साह गर्ने काम हुन् । यो कार्यकालमा संस्थाको साख केही गिरेको अनुभव गरेको छ, विभिन्न चर्चा परिचर्चा आईरहेका छन्, ति सम्पूर्ण कुराहरुलाई मेटाएर संस्थाको मर्यादालाई उच्च बनाउन पनि मेरो उम्मेदवारी हो ।
यहाँ नै सम्मिलित यो कार्यकालमा पदाधिकारी चयनमा ढिलाई, मेला महोत्सवको हिसावमा हिनामिना, कार्यसमिति दुई पक्षमा विभाजित हुने जस्ता समस्याहरु आए । यसको जिम्मेवारी यहाँले लिने कि नलिने त ?
यसको केही जिम्मेवारी त मैले पनि लिनुपर्छ । यो संस्था अध्यक्षात्मक प्रणालीमा चलेको संस्था हो, अध्यक्षमै बढि अधिकार निहित हुन्छ र बोर्डलाई निकै सिमित अधिकार रहन्छ । पदाधिकारी चयन गर्ने विषयमा विभिन्न पदहरु अध्यक्षले बोर्डमा मनोनित गर्ने र बोर्डले अनुमोदन गर्नुपर्ने थियो, सर्वसम्मत भए सर्वसम्मत जाने अरु कसैले दावि गरेमा बोर्ड भित्रका सदस्यहरुबीच भोटिङ गर्ने प्रचलन थियो । तर यो कार्यकालका नेतृत्व पंक्तिले यसलाई नस्विकार्नु भएकाले पदाधिकारी चयन गर्न केही ढिलाई भएको हो । मेला महोत्सवमा हेलिकप्टरमा अपचलन भएको थियो, पछि त्यो रकम केही व्यक्तिले तिरेको पनि छ, होटलको विल दोव्वर तेव्वर निक्सिएको थियो, कलाकारको रकम पनि चाहिने भन्दा बढि निक्लिएको थियो । पैसा बचाएपछि पछि खर्च त गर्न पाईन्छ नि भन्ने नेतृत्वको कुरा हुन्थ्यो तर त्यो नि नीजि कम्पनीमा पनि नपाईने कुरा हो । यस्तै विषयमा हामीले विरोध गरेका थियौं । यसमै बजारमा जाँदा भाषणबाजीमा बोर्डले काम गर्न दिएन भनेर नेतृत्वले भनेको सुनेका छौं तर बोर्ड सदस्यले अनियमितता रोकेको मात्रै हो, काम गर्न नदिएको हैन ।
व्यवसायिक हितमा काम गर्न पठाएकाहरु नै गुट उपगुटमा बाँडिदा व्यवसायीहरुमाझ नकारात्मक सन्देश गएको छ । यसलाई कसरी चिर्नुहुन्छु ?
यो कार्यकालमा गुट उपगुट भएकै हो । हामीले नराम्रा कुराको विरोध र राम्रा कुराको समर्थन गरेका हौं । अहिले हामीले पुराना र नयाँलाई मिलाएर आफ्नो प्यानल नै बनाएका छौं । त्यसैले म व्यवसायीहरुलाई के आग्रह गर्न चाहन्छु भने तपाईहरुले भोट दिंदा एउटा प्यानल नै विजय हुने गरी भोट दिनु भयो भने गुट उपगुटको समस्या अन्त्य हुन्छ र एक कार्यकाल राम्रोसंग काम गर्न सकिन्छ ।
व्यवसायिक संस्था भएकाले व्यवसायिक हितमा काम गर्नु पर्छ नै । तर उपभोक्ताको हितमा चाँहि कहिले उद्योग बाणिज्य संघले हेर्ने त ?
संघ उद्योगी व्यवसायीकै संस्था हो । तर हामीले यसका साथै सामाजिक हितको क्षेत्रमा काम गर्नुपर्छ । हामीले मकवानपुर बहुमुखी क्याम्पस, हेटौँडा अस्पताल लगायतमा पूर्वाधार विकासमा सहयोग गरेका छौं । हामीले उपभोक्ताको हितमा पनि काम गर्नुपर्छ । हामीले खराब काम गर्ने व्यवसायीहरुको कहिले पनि पक्ष लिएका छैनौं । राम्रो काम गर्नेलाई प्रोत्साहन र नराम्रो काम गर्ने व्यवसायीलाई दण्ड हुनुपर्छ भन्नेमा संघ प्रतिवद्ध छ । तर सानो गल्तिलाई लिएर उसको व्यवसाय नै चौपट बनाउने गरी सरोकारवाला निकायबाट काम हुनु भएन भन्नेतर्फ मात्रै हामी चनाखो हुने गरेका छौं ।
व्यवसायीहरुको प्रोत्साहनका लागि के गर्नुहुन्छ त ?
मैले आफ्नो आगामी कार्यकालमा व्यवसायिक दक्षता अभिबृद्धिका लागि ६०/७० जनालाई विदेश भ्रमण राख्नेछु । जसमा विभिन्न भेगका व्यवसायी, केही पत्रकार र केही कर्मचारीलाई विदेशमा प्रशिक्षणको व्यवस्था मिलाउने छु । यसले व्यवसायिक दक्षता अभिबृद्धिमा केही योगदान पु¥याउँछ । कर कार्यालय, अडिर्टस एशोसियसन र उद्योग बाणिज्य संघबीच त्रिपक्षीय अन्तरक्रिया राखेर त्यहाँबाट तिन पक्षको सहमतिमा प्रशिक्षण राख्छौं । १० जनाको टिमलाई लेखासम्बन्धी तालिम दिन्छौं, उनीहरुले व्यवसायी कहाँ गएर आवश्यक सहयोग गर्नेछन् । यस्तै खाले व्यवसायिक हितमा काम गर्ने सोच छ । अन्य एजेण्डाहरु मैले आफ्नो घोषणा पत्रमार्फत सार्वजनिक गरेको छु ।
अन्त्यमा, व्यवसायीहरुलाई के आग्रह गर्न चाहनुहुन्छ ?
म विभिन्न पेशामा आवद्ध भएकाले अधिक भन्दा अधिक व्यवसायीको दुःख सुख बुझेको छु । मैले व्यवसायीको समस्या बुझेकाले समाधानको पाटोबारे पनि अवगत छ । तसर्थ समग्र व्यवसायीको हितका लागि मैले उम्मेदवारी दिएको छु । कृपया सम्पूर्ण व्यवसायीहरुलाई मेरो टिमलाई विजयी गराई दिनुहुन अनुरोध गर्दछु ।
२१ बैशाख, हेटौंडा। विद्यार्थीलाई डढेलाेकाे बारेमा सचेतना गराउने उद्वेश्यका साथ हेटाैडा ६ चाैघडामा रहेकाे...
२१ बैशाख, जनकपुर । लोकतान्त्रिक समाजवादी पार्टी (लोसपा) का मधेश प्रदेशसभा सदस्य अभिराम शर्मा निलम्बित भएका छन्...
२१ बैशाख, धनगढी । सुदूरपश्चिम प्रदेशका मुख्यमन्त्री दीर्घ सोडारीलाई विश्वासको मत नदिन नागरिक उन्मुक्ति...
२१ बैशाख, झापा । झापाको दमकमा एक युवकले चलाएको गोली लागेर एक छात्रा घाइते भएकी छन् । शुक्रबार दिउँसो सिराहाका...
२१ बैशाख, काठमाडौं । राष्ट्रपति रामचन्द्र पौडेलले निरंकुश शासनको अन्त्य र संघीय लोकतान्त्रिक गणतन्त्र...
२१ बैशाख, काठमाडौं । राष्ट्रपति रामचन्द्र पौडेलले संघीय संसदको बजेट अधिवेशन आह्वान गरेका छन् । सरकारको...
२१ बैशाख, हेटौंडा । आज ३१औँ विश्व प्रेस स्वतन्त्रता दिवस विभिन्न कार्यक्रम गरि मनाइदैछ । दिवसकै अवसर पारेर नेपाल...
२१ बैशाख, हेटौंडा । हाल नेपालमा पश्चिमी वायु र स्थानीय वायुको आंशिक प्रभाव रहेको छ । देशको पहाडी भू-भागमा आंशिक...
२० बैशाख, हेटाैडा । हेटाैडा ६ चाैघडामा रहेकाे हेटाैडा स्वास्थ्य चाैकीले बिहीबार देखी जनता स्वास्थ्य ...
१२ बैशाख, हेटौंडा । बागमती प्रदेश सरकारले वैशाख २४ गते सार्वजनिक बिदा दिने निर्णय गरेको छ । प्रदेश सरकारको बुधवार...
९ बैशाख, हेटौंडा। पूर्व पश्चिम राजमार्ग अन्तर्गत हेटौंडा-१० मा भएको सवारी दुर्घटनामा घाईते व्यक्तिको उपचारको...
१० बैशाख, हेटौंडा। सरकारले मंगलबार सार्वजनिक बिदा दिएको छ। कतारका राजा अमिर शेख तमिम बिन हमाद अल थानीको नेपाल...
१२ बैशाख, हेटौंडा। त्रिभुवन राजपथ अन्तर्गत मकवानपुरको भीमफेदी-३ त्रिखण्डी नजिक मोटरसाइकल सुमोसँग ठक्कर खादा...
८ बैशाख, हेटौंडा। हेटौंडा औद्योगिक क्षेत्रमा रहेको कार्टुन उद्योगमा आगलागी भएको छ।आइतबार बिहान हेटौंडा-८ मा...
१४ बैशाख, हेटौंडा । काठमाडौँको न्युरोडबाट एक किलो ८ सय ग्राम सुन र डेढ करोड नगदसहित ७ जना पक्राउ परेका छन् । पक्राउ...
१५ बैशाख, हेटौंडा। हेटौंडा हुदै काठमाडौँ जोड्ने बैकल्पिक मार्गको रुपमा रहेको कान्तिलोकपथ बैशाख १६ गते ...
१३ बैशाख, हेटौंडा। मकवानपुरको मनहरीमा खोलामा डुबेर एक जनाको मृत्यु भएको छ ।बिहीबार दिउँसो मनहरी खोलामा नुहाउन...
१८ बैशाख, ललितपुर । ललितपुरको गोदावरी नगरपालिका–४ स्थिति तपेश्वर सामुदायिक वनमा लागेको डढेलो निभाउने क्रममा...