राधिका सिलवालको संयोजकत्वमा फेडोको जिल्ला स्तरीय संजाल गठन

२९ मङ्सिर, हेटौंडा । दलित अगुवा एवं अभियन्ता राधिका सिलवालको संयोजकत्वमा बिहीबार हेटौँडामा मकवानपुर जिल्ला स्तरीय संजाल गठन गरिएको छ । दलित महिला संघ मकवानपुरको आयोजनामा भएको अभिमुखिकरण कार्यक्रमका क्रममा सिलवालको संयोजकत्वमा २५ सदस्यीय जिल्ला स्तरीय संजाल गठन भएको हो । 
दलित महिला तथा किशोरिको मानव अधिकार प्रबद्र्धन परियोजना अन्तर्गत अगुवा दलित महिला अभियन्ताहरूको जिल्ला स्तरीय संजाल गठन गरिएको दलित महिला संघ मकवानपुर (फेडो)का अध्यक्ष पवित्रा विश्वकर्माले जानकारी दिइन् । अध्यक्ष विश्वकर्माको सभाध्यक्षतामा भएको अभिमुखिकरण कार्यक्रममा फेडोकी संथापक अध्यक्ष दुर्गा सोवको प्रमुख आतिथ्यतामा रहेको थियो । 
कार्यक्रममा जिल्लाभरिका लगभग ५० जना दलित महिला भियन्ताहरूको उपस्थित रहेको थियो । उक्त अवसरमा दलित महिला अगुवा अभियन्ताहरूलाई विभिन्न जातजाति, लिङ्ग, धर्म, संस्कृति, र सिमान्तकृत समुदायहरुलाई सदियांै देखि नितिगत, संरचनागत, व्यवहारगत रूपमा पछाडी पारिदै आएको भन्दै यसलाई कसरी चिर्न सकिन्छ भन्ने विषयमा अभिमुखिकरण गरिएको थियो  । 
कार्यक्रमका प्रमुख अतिथि दुर्गा सोवले अगुवा अभियन्ता परिचालन निर्देशिका २०७८ का बारेमा जानकारी गराउँनुका साथै विशेष अतिथि फेडोका केन्द्रीय अध्यक्ष कला स्वर्णकारले फेडोको कार्यक्रम र उदेश्य माथि प्रकाश पारेकी दिइन् ।
फेडो मकवानपुरका सचिव मन्जु रोक्काले सहजिकरण गर्नुभएको कार्यक्रममा फेडो मकवानपुर उपाध्यक्ष सुनिता दर्नाल लगाएत दलित अगुवा महिलाहरुको उपस्थिति रहेको थियो ।