व्यवसायिक हितमा बस्तुगतसंग छलफल

२ माघ, हेटौँडा । मकवानपुर उद्योग वाणिज्य संघले व्यावसायिक हित तथा सदस्यहरको सुविधाका लागि आफ्नो वस्तुगत संघसंग आज छलफल गरेको छ ।

संघका अध्यक्ष कृष्ण कटुवालको अध्यक्षतामा तयारी पोशाक व्यवसायी संघ र औषधि व्यवसायी संघसंग बेग्लाबेग्लै प्रारम्भिक छलफल गरेको हो । छलफलको क्रममा संघको आह्वानमा गरिदै आएको शनिबार बन्दलाई नियमन गर्न सबै वस्तुगत संघले संयुक्त रुपमा पहल गर्ने निर्णय गरेको छ ।

छलफलमा संघका अध्यक्ष कटुवालले सर्वसाधारण पैदल यात्रीको हितका लागि फागुणबाट फुटपाथ व्यवसायलाई व्यवस्थापन गर्ने जानकारी दिएका छन् । छलफलमा तैयारी पोशाक व्यवसायी संघका अध्यक्ष समीर डंगोल लगायतले व्यवसायिक हितमा काम गर्न संघलाई सुझाव दिएका थिए ।

यसैगरी, औषधि व्यवसायीसंग भएको छलफलमा संघका सदस्यहरुलाई अत्यावश्यक औषधिमा छुट गरिदिन आग्रह गरिएको थियो । संघको प्रस्तावलाई सकारात्मक रुपमा लिदै औषधि व्यवसायी संघका अध्यक्ष सुधीर दाहालले एकसाता भित्र आफ्नो कार्यसमितिको बैठकमार्फत निर्णय गरी छुटको प्रतिशत तय गरिने जानकारी दिएका छन् ।

मकवानपुर उद्योग वाणिज्य संघका बरिष्ठ उपाध्यक्ष माधव न्यौपाने, उपाध्यक्ष गणेश प्रसाद भेटुवाल, रामप्रसाद न्यौपाने, महासचिव प्रमोदसिंह रानाभाट, कोषाध्यक्ष अनिल अग्रवाल, सचिव सन्तोष अर्याल, काव्यमणि अधिकारी, महिला समिति सभापति निलम बैद्य लगायत बस्तुगत संघका प्र्रतिनिधिहरुको सहभागिता रहेको थियो ।