सक्कियो नौलो विहानी कृषि सहकारीको साधारणसभा

५ पुस,हेटौंडा । हेटौंडा - ६ चौघडामा  रहेको नौलो बिहानी कृषि सहकारी  संस्थाको १५ औ वार्षिक  साधारणसभा  शनिवार सम्पन्न  भएको छ । बागमती प्रेश सभा सदस्य एका लाल श्रेष्ठको प्रमुख आतिथ्यता एवम सहकारीका अध्यक्ष  विष्णुप्रसाद  ढुङ्गानाको सभाध्यक्षतामा साधारणसभा  सम्पन्न भएको हो । 
साधारणसभामा संस्था अध्यक्ष  विष्णुप्रसाद  ढुङ्गानाले संस्थागत प्रतिवेदन, उपाध्यक्ष  जयराम घिमिरेले ऋण  उपसमितिको प्रतिवेदन, कोषाध्यक्ष देवेन्द्र श्रेष्ठले आर्थिक  प्रतिवेदन र लेखा संयोजक गोपाल चन्द्र भट्टराईले  लेखा समितिको प्रतिवेदन पेश गरेका थिए ।
साधारणसभामा उत्कट  बचतकर्ता रन्जिता भेटवाल, उत्कृष्ट  कारोवारीमा  मिना कुमारी केसी र नन्दलाल राई ज्येष्ठ  शेयर सदस्य पुष्प सुन्दर श्रेष्ठ  र एकैदिन सदस्य बन्ने जोडी सदस्यलाई पुरस्कृत गरिएको थियो ।
साधारणसभाका हेटौंडा ६ का वडा सदस्य लेखराज ढकाल, संस्थाका संस्थापक अध्यक्ष  राघव न्यौपीने,पूर्व अध्यक्ष  राजेन्द्रप्रसाद  चौलागाई, निवर्तमान  अध्यक्ष  भरत सापकोटा , बंशगोपाल दुग्ध  सहकारी  अध्यक्ष  रामहरि चौलागाई, कामधेनु सहकारी  अध्यक्ष  उदय बिडारी, सामुदायिक  वन उपभोक्ता  महासंघ मकवानपुर  अध्यक्ष  साधुराम चौलागाई, रानी सामुदायिक  वन अध्यक्ष  केशव धिताल, संस्था सचिव नेत्रप्रसाद ढुङगेल,शेयर सदस्य,सञ्चारकर्मी  लगायतको सहभागिता थियो । ४ सय ३३ जना शेयर सदस्य रहेको सहकारीको २०८२ असार सम्मको शेयर पूजी  ६५ लाख ५२ हजार  निक्षेप  १ करोड ६१ लाख ८५ हजार लगानी  १ करोड ४९ लाख ६४ हजार रहेको संस्था ब्यवस्थापनक सरिता खतिवडाले जानकारी दिइन्।