न्यूरेनी चिसापानी वनको ३५ औ वार्षिक  साधारणसभा सम्पन्न

१० पुस, हेटौडा । हेटौडा ७ मा रहेको न्यूरेनी चिसापानी  सामुदायिक  वन उपभोक्ता  समूहको ३५ औ वार्षिक  साधारणसभा  सम्पन्न  भएको छ ।
हेटौडा ( ७ का वडा अध्यक्ष  दामोदर  गौतमको प्रमुख आतिथ्यता एवम समूहका अध्यक्ष  प्रकाश कार्कीको सभाध्यक्षतामा साधारणसभा भएको हो ।साधारणसभामा समूहका अध्यक्ष  प्रकाश कार्कीले  संस्थागत प्रतिवेदन र सचिवको संयुक्त प्रतिवेदन,कोषाध्यक्ष सरिता नेगीले आर्थिक  प्रतिवेदन पेश  गरेका थिए ।
साधारणसभामा समूहका पूर्व अध्यक्ष जनार्दन पौडेल,  रघु प्रसाद आचार्य, वन संरक्षणकर्ता देव कुमारी अर्याल , राम बहादुर पाख्रिन र ज्येष्ठ  उपभोक्ता  ज्ञानुदेवी आचार्य , विष्णुप्रसाद  चौलागाई समेतलाई  पुरस्कृत गरिएको  थियो ।
७१ दशमलब ३० हेक्टर क्षेत्रफलमा फैलिएको  सामुदायिक  वनमा २ सय ८६ घरधुरी  आवद्व रहेको समूह सचिव कृष्णप्रसाद  घिमिरेले  बताएका छन् । कार्यक्रममा  डिभजन वन कार्यालय, मकवानपुरका  डिभिजनल वन अधिकृत राकेश प्रसाद चन्द्रबंशी, सामुदायिक  वन उपभोक्ता  उपभोक्ता  महासंघका केन्द्रीय  सदस्य रामहरि चौलागाई, मकवानपुर  अध्यक्ष  साधुराम चौलागाई, सव डिभिजन वन कार्यालय, हेटौडाका वन अधिकृत कच्चुराम पुडासैनी, रानी सामुदायिक  वनका अध्यक्ष  केशव धिताल, पशुपति मन्दिर व्यवस्थापन समितिका अध्यक्ष सुबोध रिमाल, वन समूहका सल्लाहकार  जनार्दन पौडेल, रघु प्रसाद आचार्य, ज्ञानु क्षेत्री, उपभोक्ता ,सञ्चारकर्मी लगायतले मन्तव्य व्यक्त गरेका थिए ।