मुख्यमन्त्री बानियाँले गरे इप्रका खैरहनीको नवनिर्मित भवनको उदघाटन

१६ पुस,हेटौँडा । इलाका प्रहरी कार्यालय खैरहनी चितवनको जेनजी आन्दोलनमा आगजनी पछि क्षतिग्रस्त बनेको भवन पुनर्निर्माण भएपछि बुधबार उदघाटन गरिएको छ ।

बागमती प्रदेशका मुख्यमन्त्री इन्द्रबहादुर बानियाँले बुधबार बिहान एक समारोहका बिच पुननिर्माण गरिएको भवनको उद्घाटन गरेका हुन्। उद्घाटन कार्यक्रममा बोल्दै मुख्यमन्त्री बानियाले जेनजी आन्दोलनमा जलेको कार्यालय, ब्यारेक, भान्छाघर र कम्पाउण्ड वालसहित पुनःनिर्मित संरचनाले स्थानीय सुरक्षा व्यवस्थालाई थप सुदृढ बनाउने सहयोग पुग्ने बताए । मुख्यमन्त्री बानियाँले राजनीतिक परिवर्तनका नाममा सुरक्षाका संरचनामाथि हुने आक्रमणले लोकतान्त्रिक मूल्यलाई कमजोर बनाउने बताए। “फागुन २१ मा हुने प्रतिनिधिसभाको निर्वाचनलाई लक्षित गर्दै भयरहित वातावरण निर्माण गर्न संघीय सरकारले पहल गर्नुपर्ने र त्यसका लागि बागमती प्रदेश सरकार सहकार्य गर्न तयार छ “- बानियाले भने । उनले भदौ २३ र २४ मा भएको जेनजी आन्दोलनका क्रममा क्षतिग्रस्त तथा जलेका सरकारी भवन पुनर्निर्माणका लागि १ अर्बभन्दा बढी बजेट विनियोजन गरिएको समेत बताए ।बागमती प्रदेश सरकारको ५ करोड ८५ लाख रुपैयाँको लगानीमा उक्त संरचना निर्माण गरिएको हो । उद्घाटन समारोहमा आन्तरिक मामिला तथा कानून मन्त्री शिवराज अधिकारी,खैरहनी नगरपालिकाका नगर प्रमुख शशी कुमार खानिया,चितवनका प्रमुख जिल्ला अधिकारी गणेश अर्यालज्,बागमती प्रदेश सरकारका आन्तरिक मामिला तथा कानुन मन्त्रालयका सचिव कृष्ण बहादुर शाहीज्,बागमति प्रदेश प्रहरी कार्यालय हेटौडाका कार्यालय प्रमुख प्रहरी नायव महानिरीक्षक अरुण पौडेल,नेपाल प्रहरी शिक्षालय भरतपुरका समादेशक प्रहरी बरिष्ठ उपरीक्षक तारा देवी थापा, ज्यू, जिल्ला प्रहरी कार्यालय चितवनका प्रमुख प्रहरी उपरीक्षक गोबिन्द पुरी लगीयत जनप्रतिनिधिहरु, पत्रकारहरुको उपस्थिती रहेको थियो ।