मुख्यमन्त्री बानियाँद्वारा नारी चेतनाको भवन उद्घाटन

२४ पुस, हेटौडा । हेटौंडा ६ चुच्चेखोलामा रहेको नारी चेतना बचत तथा ऋण सहकारी संस्था लिमिटेडको भवन उद्घाटन गरिएको छ । बिहिबार बिहान बागमती प्रदेशका मुख्यमन्त्री इन्द्रबहादुर बानियाँले सहकारीको नव निर्मित भवनको उद्घाटन गरेका हुन् ।
उद्घाटन कार्यक्रममा बोल्दै बानियाँले सहकारीले समुदायमा आर्थिक समृद्धिमा टेवा पुर्याएको बताए । नारी चेतना सहकारी जस्तै महिलाहरूद्वारा संचालित सहकारीले महिलाहरूको सशक्तीकरणमा काम गरेको बताउँदै यसको निरन्तरताका लागि प्रदेश सरकारले सहयोग गर्ने बताए । उनले महिलाहरूको आर्थिक उपार्जनका लागि सहकारीमार्फत प्रदेश सरकारले सीप र प्रविधि दुबै उपलब्ध गराउने बताए ।सहकारीकी अध्यक्ष राधिका गौतमको सभाध्यक्षतामा भएको कार्यक्रममा हेटौंडा(६ का वडा अध्यक्ष   विष्णुबहादुर दाहाल, मकवानपुरगढी २ का वडा अध्यक्ष  बखानसिं पाख्रिन, संस्थाकी संस्थापक अध्यक्ष हिरादेवी दाहाल, भूमी समस्या समाधान आयोग मकवानपुरका विज्ञ सल्लाहकार अर्जुनप्रसाद चौलागाईं, संस्थाका सल्लाहकार उदय विडारी, रूपेश दुलाल, रानीसामुदायिक  वनका अध्यक्ष केशव धिताल, चुच्चेखोला वन सहकारीका उपाध्यक्ष धनबहादुर गौतम, संस्थाका निवर्तमान  अध्यक्ष ज्ञानु अर्याल लगायतको उपस्थिति रहेको थियोे ।कार्यक्रममा संस्था निमार्ण एवं फर्निचर सहयोग गर्ने हिरादेवी दहाल, तिलकमाया रुम्बा, रमेश कुमार थापा, गौरव कुमार  पराजुली , देवकुमारी डंगोल, राधिका, कल्पना पराजुली लक्ष्मी चौलागाईलाई सम्मान गरिएको थियो । दुई तल्ले पक्की  भवन   ४५ लाखको लागतमा निर्माण  गरिएको  संस्थाकी ब्यवस्थापक  विपना घिमिरेले बताईन  ।