गैरीगाउँमा रहेको लक्ष्मीनारायण दुग्ध सहकारीको साधारणसभा सम्पन्न

२६ पुस, हेटौंडा  । हेटौडा–१७, गैरीगाउँमा रहेको लक्ष्मीनारायण दुग्ध उत्पादक सहकारी संस्थाको २४ औं वार्षिक साधारणसभा शनिबार सम्पन्न  भएको छ । संस्थाका ज्येष्ठ शेयर सदस्य कुल प्रसाद दुलालको प्रमुख आतिथ्यता तथा सहकारीका अध्यक्ष अर्जुन प्रसाद देवकोटाको सभाध्यतामा २४ औं वार्षिक साधारणसभा सम्पन्न भएको हो ।  
कार्यक्रम संस्थाका अध्यक्ष अर्जुनप्रसाद देवकोटाले संस्थागत प्रतिवेदन र लेखा समिति संयोजन दामोदर तिमल्सिनाले लेखा समितिको प्रतिवेदन पेश गरेका थिए । हेटौडा-१७ का वडा सदस्य नवराज न्यौपाने, लेख कुमारी तिमल्सिना, कामधेनु बहुद्देश्यीय हकारीका अध्यक्ष उदय बिडारी, शेयर सदस्य दामोदर दाहाल लगायतले मन्तव्य व्यक्त गरेका थिए । सहकारीले विभिन्न व्यक्तिहरुलाई सम्मान गरेको थियो । सहकारीलाई माइक्रोस्कोप सहयोग गर्ने अभिनास दाहाल, वर्षभरी धेरै र गुणस्तरीय दुध बिक्री गर्ने कुमारमणी दाहाल, विष्णु प्रसाद आचार्य, भुमिनन्द सुवेदी, दामोदर तिमल्सिना, उमेश राई, टिका प्रसाद तिमल्सिना, सम्पत प्रसाद दाहाल, चित्रकुमारी तिमल्सिना, निला अधिकारीलाई क्यान र क्याल्सियम प्रदान गर्दै सम्मान गरेको हो । सहकारी संस्थामा १ सय ९६ जना शेयर सदस्यहरु आवद्ध रहेको व्यवस्थापक टिकाराम न्यौपानेले बताए ।