जनताको जीवनस्तर र अवस्था बदल्न केन्द्रित हुनुपर्नेमा मूख्यमन्त्रीको जोड

१६ माघ, हेटौंडा । बागमती प्रदेश सरकारका मुख्यमन्त्री ईन्द्रबहादुर बानियाँले शहीदको सपना साकार पार्न अब व्यवस्था परिवर्तनमा अल्झिनु भन्दा पनि यही व्यवस्थाभित्र जनताको जीवनस्तर र अवस्था बदल्न केन्द्रित हुनुपर्नेमा जोड दिएका छन् । 
शहीद दिवसकाे अवसरमा शहीद स्मारक हेटौंडामा आयाेजना भएकाे सहिद दिवस २०८२ समाराेहलाई सम्बाेधन गर्दै उनले नेपालमा अब राणा र राजा फालेर जनताको सर्वोच्च व्यवस्था गणतन्त्र स्थापना भइसकेकोले थप राजनीतिक परिवर्तनका लागि कसैले शहीद हुनु नपर्ने बताए । शहीदको त्याग र बलिदानबाट पछिल्लो समय प्राप्त भएकाे संघीय लाेकतान्त्रिक गणतन्त्रकाे व्यवस्थाले सबै जातजाति, धर्म र समुदायकाे अधिकार रक्षा गर्ने हुँदा अब यहि व्यवस्थाकाे रक्षा गर्दै समृद्धिकाे यात्रामा अघिबढ्नुपर्नेमा उनको जोड थियो ।
नेपालको झण्डा काँधमा राखेर आफ्नै देशको केन्द्र सिंहदरबार जलाउने कार्य नेपालीको हुनै नसक्ने भन्दै पछिल्लो समय भएका केही अराजक गतिविधिप्रति उनले कडा आलोचना गरे । मुख्यमन्त्री बानियाँले नयाँ पुस्ताको नाममा फैलाइएका भ्रम र वितण्डाहरूबाट जोगिन र मुलुकलाई समृद्ध बनाउन सिङ्गो राष्ट्र र राजनीतिक दलहरूलाई एकजुट हुन आह्वान गरे ।
आन्तरिक मामिला तथा कानून मन्त्रालयले आयाेजना गरेकाे कार्यक्रममा बागमती प्रदेश सरकारका प्रमुख दिपक प्रसाद देवकोटाकाे प्रमुख आतिथ्यता रहेकाे थियाे । कार्यक्रममा शहीद स्मारक विकास समिति अध्यक्ष तथा पुर्व मुख्यमन्त्री डाेरमणी पाैडेलले मन्तव्य राखेका थिए ।