अबको शिक्षा मानवता र नैतिक मूल्यमा आधारित हुनुपर्छ: मुख्यमन्त्री

१६ माघ, हेटौंडा । बागमती प्रदेशका मुख्यमन्त्री इन्द्रबहादुर बानियाँले अबको शिक्षा मानवता र नैतिक मूल्यमा आधारित हुनुपर्ने बताएका छन् ।
हेटौंडाको ज्ञानदिप शिक्षा निकेतन माध्यमिक विद्यालयको रजत महोत्सव शुभारम्भ कार्यक्रममा बोल्दै उनले अबको प्राविधिक शिक्षाका साथै मानव मूल्यमा आधारित हुनुपर्ने बताएका हुन् ।
उनले आज भन्दा २५ बर्ष अघि अंग्रेजी माध्यमबाट शिक्षा शुरू गरेको ज्ञानदिप शिक्षा निकेतनले शिक्षा क्षेत्रमा पुर्याएको योगदानको प्रशंसा गर्दै उनले शिक्षा क्षेत्रमा रहेका समाधानका लागि प्रदेश सरकार प्रतिवद्ध रहेको बताए । उनले अहिलेको युग सूचना प्रविधिको युग भएकाले शिक्षामा पनि यसलाई सदुपयोग गर्नुपर्नेमा उनको जोड थियोे ।
विद्यालय व्यवस्थापन समितिका अध्यक्ष ऋषिराम पोखरेलको सभाध्यक्षतामा भएको कार्यक्रममा हेटौंडा-४ का वडा अध्यक्ष नवीन सिग्देल, हेटौंडा-५ का वडा अध्यक्ष सुशील घिमिरे, राष्ट्रिय परीक्षा बोर्ड हेटौंडाका प्रमुख बद्रीबहादुर पाठक लगायतको उपस्थिति रहेको थियो । कार्यक्रममा विद्याबारधी गर्ने महानुभावसहित विभिन्न विधामा सम्मान गरिएको थियो । रजत महोत्सव ३ दिनसम्म चल्ने जनाइएको छ।