हेटौंडामा सवारी दुर्घटना, एकको मृत्यु

सांकेतिक तस्विर

१८ चैत, हेटौंडा । पूर्वपश्चिम राजमार्ग अन्तरगत हेटौंडा–९ गुम्बाचोकमा दुई मोटरसाइकल एक आपसमा ठक्कर खाँदा एकजनाको मृत्यु भएको छ । मृत्यु हुनेमा हेटौंडा-९ बस्ने १८ बर्षीया एकता बैद्य रहेकी छिन् । 
हेटौंंडाबाट रातोमाटेतर्फ जाँदै गरेको प्र ३ ०२ ००७ प ७६८३ नम्बरको मोटरसाइकल र विपरित हेटौंडाबजारतर्फ आउँदै गरेको ना ४४ प ९३५४ नम्बरको मोटरसाइकल ठक्कर खाएको प्रहरीले जनाएको छ । दुर्घटनामा प्र ३ ०२ ००७ प ७६८३ नम्बरको मोटरसाइकलमा सवार बैद्य भने नवलपरासीबाट सिमेन्ट लोड गरी बिरगंजतर्फ जाँदै गरेको ना ६ ख ३१४५ नम्बरको ट्रकमा ठक्कर खाइ  टाउको र शरीरको बिभिन्न भागमा चोट लागेर गम्भिर घाईते भई हेटौंडा अस्पतालमा पुर्याएकोमा चिकित्सकले मृत घोषणा गरेको जिल्ला प्रहरी कार्यालय मकवानपुरले जनाएको छ । 
दुर्घटनामा सोही मोटरसाइकल चालक हेटौंटा–४ कर्रा बस्ने बस्ने अन्दाजी १९ बर्षीय रोनिक कार्कीको दुबै खुट्टामा चोट लागेको प्रहरीले जनाएको छ । त्यस्तै, ९३५४ नम्बर मोटरसाइकल चालक चितवन इच्छाकामना–५ बदेलटारका अन्दाजी २१ बर्षीय पुष्पालाल गुरुङ घाईते भएका छन् । घाइतेहरुको हेटौडा अस्पतालमा उपचार भईरहेको छ । सवारी साधन र चालक प्रहरी नियन्त्रणमा रहेको प्रहरीले जनाएको छ ।