महालक्ष्मी साहित्य पुरस्कार पोखरेललाई प्रदान गरिने

महालक्ष्मी साहित्य पुरस्कार पोखरेललाई प्रदान गरिने
५ भदौं, हेटौँडा । मातृभुमी साहित्य समाज मकवानपुर र महालक्ष्मी विकास बैंक लिमिटेडले प्रदान गर्दै आएको १६ औ महालक्ष्मी साहित्य पुरस्कार भदौ ९ गते प्रदान गरिने भएको छ । मंगलबार हेटौडामा आयोजित पत्रकार सम्मेलनमा मातृभुमी साहित्य समाज मकवानपुरका अध्यक्ष माधव पोखरेलले यस्तो जानकारी दिएका हुन् ।
पोखरेलले महालक्ष्मी साहित्य पुरस्कार २०७४ बाट विराटनगरका साहित्यकार विवश पोखरेललाई पुरस्कृत गर्न लागेको बताए । उनले महालक्ष्मी साहित्य पुरस्कार राशी २१ हजाार १ रुपैया रहेको जानकारी दिए । 
यस्तै महालक्ष्मी विकास बैंक लिमिटेड हेटौडाका शाखा प्रमुख शम्भु प्रसाद पराजुलीले सोही दिन अन्य ५ विधामा पनि पुरस्कृत गरिने बताए । उनले ईश्वरी स्मृति मातृभुमी पुरस्कार २०७४ बाट मैथली भाषाका साहित्यकार महेन्द्र कुमार मिश्र, नित्य गोविन्द स्मृति मातृभुमी संगीत पुरस्कार २०७४ बाट मकवानपुरका प्रयागराज मल्ल र श्याम श्रेष्ठ स्मृति मातृभुमी पुरस्कार २०७४ बाट वरिष्ठ नाटककार अशेष मल्ललाई पुरस्कृत गरिने बताए । 
त्यस्तै कनक सिंह वातावरण मातृभुमी सम्मान २०७४ बाट मकवानपुरका विष्णु प्रसाद ढकाल र होमनाथ बलदेवी मातृभुमी छन्द साहित्य सम्मान २०७४ बाट चितवनका साहित्यकार हुसैन खाँलाई सम्मान गरिन लागिएको पराजुलीले जानकारी दिए । पत्रकार सम्मेलनमा मातृभुमी साहित्य समाज मकवानपुरका सस्ंथापक अध्यक्ष ह्याग्रीव आचार्य, उपाध्यक्ष कृष्ण दाहाल तथा शान्ति प्रियवन्दना लगायतको उपस्थिति रहेको थियो ।