राजदेवीमा कृषकलाई अनुदान रकम वितरण

१६ भदौ, हेटौँडा । हेटौँडा–१७ राजदेवीमा रहेको राजदेवी दुग्ध उत्पादक सहकारी संस्थाले आफ्ना शेयर सदस्य कृषकहरुलाई अनुदान रकम वितरण गरेको छ । संस्थाले नेपाल सरकारबाट प्राप्त प्रति लिटर प्रोत्साहन रकम आज वितरण गरेको हो । 
हेटौँडा–१७ का वडा अध्यक्ष भैरवबहादुर राईको प्रमुख आतिथ्यता एवं संस्थाका अध्यक्ष रामप्रसाद तिमल्सिनाको अध्यक्षतामा भएको कार्यक्रममा जिल्ला दुग्ध उत्पादक सहकारी संघ लिमिटेडका अध्यक्ष बासुदेव अधिकारी, संस्थाका उपाध्यक्ष प्रतिभा चौलागाई लगायतले मन्तव्य व्यक्त गरेका थिए । कार्यक्रममा राजदेवी क्षेत्रमा रहेका संघसंस्थाका प्रतिनिधिहरुको सहभागिता रहेको थियो । 
संस्थामा आवद्ध दुग्ध उत्पादक कृषकलाई आर्थिक बर्ष ०७३/०७४ को प्रोत्साहन रकम बापत ३ लाख ५३ हजार ९ सय २८ रुपैँया वितरण गरेको छ । संस्थाले सो आर्थिक बर्षमा कृषकबाट ३ लाख ८८ हजार ९ सय ३२ लिटर दुध संकलन गरेको थियो । संस्थामा ३ सय ३५ शेयर सदस्य आवद्ध रहेको व्यवस्थापक घनश्याम दाहालले बताए । जिल्ला संघमा आवद्ध ५४ दुग्ध उत्पादक सहकारी संस्थामध्ये अनुदानका लागि ३२ वटा संस्थाले आवदेन दिएकोमा ३० वटाले अनुदान प्राप्त गरेको जिल्ला संघका अध्यक्ष बासुदेव अधिकारीले बताए ।
यस्तै, हेटौँडा–१७ राजदेवीमा रहेको अशोक सामुदायिक वन उपभोक्ता समूहले आप्mनो स्थापना दिवसको अवसरमा ज्येष्ठ नागरिकलाई सम्मान गरेको छ । संस्थाले आप्mनो २६ औं स्थापना दिवसको अवसरमा ज्येष्ठ नागरिकलाई सम्मान गरेको हो ।
संस्थाका अध्यक्ष बलराम अधिकारीको अध्यक्षतामा भएको कार्यक्रममा ९५ बर्षीया शुभद्रा डल्लाकोटीलाई सम्मान गरिएको थियो । कार्यक्रममा पूर्वअध्यक्ष कृष्णप्रसाद नेपालसहित उपभोक्ता र स्थानीय संघसंस्थाका प्रतिनिधिहरुको सहभागिता रहेको थियो ।