गुणस्तर कायम गर्ने हेटौँडाका पानी उद्योगको दावि

१८ भदौ, हेटौँडा । हेटौडामा रहेका ६ वटा पानी उद्योगका संचालकले आफुहरु गुणस्तर कायम गर्न तयार रहेको बताएका छन् । उनीहरुले आफुहरुले विगतमा पनि गुणस्तरीय उत्पादन बजारमा पुर्याएको भन्दै आगामी दिनमा पनि यसमा प्रतिवद्ध रहेको बताएका हुन् । 
हेटौँडामा पत्रकार सम्मेलन गर्दै उनीहरुले आफुहरु सबै पानी कम्पनीमा ल्यावको व्यवस्था गर्न, दलक्ष प्राविधिकमार्फत जाँच गरी यपिउन योग्य पानी बजारमा पुर्याउन प्रतिवद्ध रहेको बताए । पत्रकार सम्मेलनमा नेपाल उद्योग बाणिज्य महासंघका केन्द्रीय सदस्य एवं माई च्वाईस पानी उद्योगका संचालक राजकुमार न्यौपानेले आफुहरु गुणस्तरसम्बन्धी सम्पूर्ण मापदण्ड पुरा गर्न तयार रहेको भन्दै पानी विक्रि विगतको वातावरण आवश्यक रहेको बताए । 

व्यवसायीहरुले हेटौँडाको माग सिमित रहेको भन्दै नियमक निकायले भनेजस्तो अटोमेटिक प्लान्ट राखेर संचालन गर्न सक्ने अवस्था नरहेको बताएका छन्

उनले मकवानपुरका पानी उद्योगको उत्पादन लामो समयसम्म बजारमा जान नदिने तर बाहिरका पानी भित्रन छुट दिएको भन्दै उनले आपत्ति जनाए । उनले चाँडो भन्दा चाँडो बजारमा उत्पादन सहज पुर्याउने वातावरण बनाईदिन सरोकारवाला निकायसंग आग्रह गरे । व्यवसायीहरुले हेटौँडाको माग सिमित रहेको भन्दै नियमक निकायले भनेजस्तो अटोमेटिक प्लान्ट राखेर संचालन गर्न सक्ने अवस्था नरहेको बताएका छन् । हेटौँडाका माई च्वाईस, अक्वा टाईम, अमरथोपा, जस्ट वाटर, अक्वा ईन्फिनिटी र अमृत जल नामक पानी कम्पनीहरुका संचालकको पत्रकार सम्मेलनमा सहभागिता रहेको थियो । 
मकवानपुरमा दैनिक १४ देखी १५ सय कार्टुन पानी बिक्री बितरण भैरहेको र पानी कम्पनीहरुमा सुधार गरेर सफा पिउनेपानी बजारमा आफुहरु लैजान तयार रहेको अक्वा टाईम पानी उद्योगका संचालक ज्ञानराज लामाले बताए ।