चिसापानी बचतको साधारणसभा सम्पन्न

१३ असोज, हेटौँडा । हेटौडा–१७ चिसापानीमा रहेको चिसापानी बचत तथा ऋण सहकारी संस्था लिमिटेडको नवौं वार्षिक साधारणसभा सम्पन्न भएको छ । 

साधारणसभामा संस्थाका अध्यक्ष कृष्णप्रसाद सापकोटाले संस्थागत प्रतिवेदन,लेखा संयोजक गोविन्द दाहालले लेखा समितिको प्रतिवेदन,कोषाध्यक्ष प्रल्हाद घिमिरेले आर्थिक प्रतिवेदन,ऋण उपसमितिका संयोजक श्रीकृष्ण आचार्यले ऋण समितिकोे प्रतिवेदन प्रस्तुत गरेका थिए ।

भेलामा संस्थापक ज्येष्ठ सदस्य प्रेमप्रसाद बस्ताकोटी,राधेश्याम गजुरेल,ज्येष्ठ शेयर सदस्य दिपप्रसाद दहाल, उत्कृष्ठ बचतकर्तामा हरीप्रसाद पुडासैनी,अम्विका खतिवडा र असली कारोवारीमा निर्मला कार्की र आयआर्जन समूहमा सयपत्री आयआर्जन समूहलाई सम्मानित गरिएको थियो ।  

यसैगरी २०७४ सालको एसईईमा उत्कृष्ट अंक हासिल गर्ने सामुदायिक विद्यालयतर्फ आर्जन आचार्य र श्रीया चौलागाई संस्थागत विद्यालयतर्फ पल्लव घिमिरे र कुसुम गिरीलाई पनि सम्मानित गरिएको थियो । केन्द्रीय दुग्ध उत्पादक सहकारी संघका केन्द्रीय अध्यक्ष नारायणप्रसाद देवकोटाको प्रमुख आतिथ्यता एवम संस्थाका अध्यक्ष कृष्णप्रसाद सापकोटाको अध्यक्षतामा साधारणसभा भएको थियो ।

साधारणसभामा हेटौडा–१६ का वडा अध्यक्ष रामकृष्ण कोईराला,१५ का वडा अध्यक्ष महारत्न लामा, १७ का वडा अध्यक्ष भैरबबहादुर राई,चेतनशिल दुग्ध उत्पादक सहकारी संस्थाका अध्यक्ष कृष्णप्रसाद घिमिरे,महामती बचत तथा ऋण सहकारी संस्थाका अध्यक्ष सुर्दशनप्रसाद वाग्ले, सचिव महेश ढकाल,सल्लाहकार राधेश्याम गजुरेल,शेयर सदस्य भीमप्रसाद गौतम लगायतकाले शुभकामना मन्तव्य व्यक्त गरेका थिए ।