श्रमिक दुग्ध सहकारीको बार्षिकोत्सव मनाईयो

१६ असोज, हेटौंडा । मकवानपुरगढी–२ शिखरकटेरीमा रहेको श्रमिक दुग्ध उत्पादक सहकारी संस्थाको २५ औं वार्षिकोत्सव एवम पशुधन संरक्षण समितिको तेश्रो वार्षिक साधारणसभा विभिन्न कार्यक्रमको आयोजना गरि मनाईएको छ । 
कार्यक्रममा १२ जना किसानलाई पशु सुत्केरी भत्ता,बढी दुध विक्री गर्ने किसानहरुलाई प्रोत्साहन रकम वितरण,पशु विमा रकम हस्तान्तरण,तीज गीत प्रतियोगितामा उत्कृष्ट हुने समूहलाई पुरस्कार वितरण गरिएको थियो । सो अवसरमा उत्कृष्ठ हुने किसानहरुलाई भरटेक्स कम्पनीले पशुहरुको लागि भिटामिन निःशुल्क वितरण गरेको थियो । कार्यक्रममा सहकारीका अध्यक्ष हरीकुमार हुमागाईले संस्थागत प्रतिवेदन प्रस्तुत गरेका थिए ।  
मकवानपुरगढी गाउँपालिकाकी उपाध्यक्ष हर्कमाया रुम्वाको प्रमुख आतिथ्यता एवम पशुधन संरक्षण समितिका अध्यक्ष रामहरी बुढाथोकीको अध्यक्षतामा कार्यक्रम भएको थियो । कार्यक्रममा मकवानपुरगढी २ का वडा अध्यक्ष बखानसिह पाख्रिन, मकवानपुर जिल्ला दुग्ध उत्पादक सहकारी संघका उपाध्यक्ष धर्मराज लामिछाने,वडा सदस्य शिवप्रसाद न्यौपाने,चण्डीका माविका सहायक प्रधानाध्यापक विरबहादुर गोले,कुर्ले कृषि सहकारी संस्थाका अध्यक्ष कृष्णप्रसाद हुमागाई,गंगाराज गोले लगायतकाले मन्तव्य वयक्त गरेका थिए ।
समितिले ७ सय ६० वटा पशुहरुको वीमा गरेको छ भने १० वटा पशुहरुको क्षतिपूर्ती वापत ३ लाख ५२ हजार रुपैयाँ किसानहरुलाई भुक्तानी गरेको छ ।