जिल्ला दुग्ध सहकारीको रजत महोत्सवमा सम्मान

३० कार्तिक, हेटौँडा । मकवानपुर जिल्ला दुग्ध उत्पादक सहकारी संघ लिमिटेडको रजत महोत्सव एवं २६ औं बार्षिक साधारणसभा शुक्रबार सम्पन्न भएको छ ।
प्रदेश नम्बर ३ का मूख्यमन्त्री डोरमणी पौडेलको प्रमुख आतिथ्यता एवं संस्थाका अध्यक्ष बासुदेव अधिकारीको अध्यक्षतामा कार्यक्रम भएको हो । कार्यक्रममा संस्थाका संस्थापक अध्यक्ष, पूर्व अध्यक्षहरु, संस्थापक कार्यसमिति, उत्कृष्ट सहकारी, गुणस्तरीय दुध विक्रि गर्ने सहकारी लगायतलाई सम्मान गरिएको थियो । कार्यक्रममा प्रदेश दैनिकका विजय पौडेल, जनता टिभीका पुष्पराज अधिकारी, उत्कृष्ट सहकारीकर्मी अम्बरबहादुर तिमल्सिना, उत्कृष्ट कृषकमा कामधेनु गाई फार्म मकवानपुरगढीका दिलकुमारी हुमागाई, उत्कृष्ट व्यवस्थापक बाराही दुग्ध उत्पादक सहकारी संस्थाका व्यवस्थापक पूर्णप्रसाद पुडासैनी, उत्कृष्ट कर्मचारीमा वनदेवी दुग्ध उत्पादक सहकारी संस्थाकी निर्मला चौलागाई, संघतर्फ उत्कृष्ट कर्मचारीमा सत्यनारायण पुडासैनी लगायतलाई सम्मान गरिएको थियो ।
कार्यक्रममा जिल्ला समन्वय समितिका प्रमुख रघुनाथ खुलाल, हेटौँडा १ नबर वडा अध्यक्ष सविन न्यौपाने, जिल्ला सहकारी संघका अध्यक्ष बद्री लम्साल, जिल्ला वचत तथा ऋण सहकारी संघका अध्यक्ष कल्पना श्रेष्ठ, केन्द्रीय दुग्ध विकास बोर्डका सदस्य विश्वराम खड्का, चितवन दुग्ध उत्पादक सहकारी संघका अध्यक्ष हरिहर सुवेदी, हेटौंडा दुग्ध वितरण आयोजनाका प्रमुख गणेशकुमार साह लगायतले मन्तव्य व्यक्त गरेका थिए ।