अशोक लेलैण्डको नयाँ गाडि बजारमा

८ पुस, हेटौँडा । विश्व प्रसिद्ध  व्यवशायिक सवारी साधन कम्पनी अशोक लेलैण्डले नयाँ गाडि बजारमा ल्याएको छ । अशोक लेलैण्डले सामान ओसारपसारका लागि  ‘एलसिभी सेग्मेन्ट’ को नयाँ गाडी बजारमा ल्याएको हो । 
नेपालको भौगोलिक अवस्थालाई मध्यनजर गर्दै अशोक लेलैण्डले  दोस्त प्लस मोडेलको गाडि बजारमा ल्याएको प्रोडक्ट ईन्चार्ज प्रभात बिक्रम बिष्टले जानकारी दिए । अशोक लेलैण्ड गाडीको नेपालको लागि अधिकृत बिक्रेता आई एम ई मोटर्स हेटौडाद्वारा आयोजित ग्राहक अन्तर्क्रिया कार्यक्रममा मकवानपुर कुखुरा व्यवशायी संघका अध्यक्ष्य राजु अधिकारीले गाडीको शुरुवात गरेका हुन् । 
अशोक लेलैण्डले अघिल्लो उत्पादन दोस्त स्ट्रोङको सफलताबाट उत्साहित हुँदै उक्त गाडीभन्दा धेरै गुणा राम्रो पर्फमेन्स भएको दोस्त प्लस गाडी बजारमा ल्याएको प्रोडक्ट ईन्चार्ज प्रभात बिक्रम बिष्टले जानकारी दिए। २० लाख ४० हजार मुल्य रहेको गाडीको अढाई बर्ष वा १ लाख किलोमिटर सम्म निःशुल्क सर्भिसिङका साथै उक्त अवधिभरिको सर्भिसिङमा फेर्नुपर्ने पिरियोडिक पार्ट्स समेत कम्पनीले निःशुल्क फेरिदिने सेल्स अफिसर लक्ष्मण पौडेलले जानकारी दिए। 
डेढ टन क्षमता रहेको गाडीले प्रतिलिटर १९.६ किलोमिटर माईलेज दिने दाबि गर्दै नेपाली भुगोलको अवस्था अनुसार एकदमै उपयुक्त रहेको पौडेलले दावि गरे । कार्यक्रममा मकवानपुरका साना गाडी चालक तथा व्यवसायीको उपस्थिति रहेको थियो ।