प्रोवेशन प्राप्त गरेकोमा मक्रान्चुलीमा खुशीयाली

१६ पुस, हेटौँडा । नेपाल बचत तथा ऋण सहकारी संघ, केन्द्रीय कार्यालयबाट पूर्ण व्यवसायिक साकोस विकास कार्यक्रम (प्रोवेशन ब्राण्ड) प्राप्त गर्न सफल भएको भन्दै मकवानपुरगढी–३ मक्रान्चुलीमा रहेको महिला जागरण बचत तथा ऋण सहकारी संस्थाले खुशीयाली आदानप्रदान कार्यक्रमको आयोजना गरेको छ । 
कार्यक्रममा सहकारीले पाएको यो सफलता सबै शेयर सदस्यहरुको मेहनतका कारण भएकोले यो भन्दा ठूलो सफलता प्राप्त गर्न सबै सरोकारवालहरुले साथ दिनु पर्नेमा जोड दिएका थिए । मकवानपुर जिल्ला बचत तथा ऋण सहकारीकी सचिव मीना चौरेलको प्रमुख आतिथ्यता एवम सहकारीकी अध्यक्ष कल्पान श्रेष्ठको अध्यक्षतामा कार्यक्रम भएको थियो । 
कार्यक्रममा मकवानपुरगढी–३ का अध्यक्ष भागवन घिमिरे, ४ का वडा अध्यक्ष रामप्रसाद तिमल्सिना, ३ नम्बर वडा सदस्य सरीता सापकोटा, राष्ट्रिय सहकारी बैक, हेटौँडाका प्रमुख रामेश्वर अर्याल, महिला अभियान सहकारीकी अध्यक्ष भीमकुमारी थापा, महिला जनचेतना सहकारीकी अध्यक्ष कुमारी श्रेष्ठ, महिला मिलनकी अध्यक्ष विष्णुमाया लामा, सिर्जनशिल साकोसका अध्यक्ष कृष्ण विडारी, मनकामना दुग्ध उत्पादक सहकारीका अध्यक्ष कृष्णप्रसाद दाहाल, गढी स्पोटर्स क्लवका अध्यक्ष राजु दुलाल, संचारकर्मी भीमसेन पौडेल, ज्योति महत लगायतकाले मन्तव्य व्यक्त गरेका थिए ।
मकवानपुरका ४ महिला सहकारीले एकैसाथ प्रोवशन ब्राण्ड पाएका थिए । मकवानपुरको महिला अभियान, महिला जनचेतना र महिला मिलन बचत तथा ऋण सहकारीले एकैसाथ यो ब्राण्ड पाएका छन् ।