दिव्यताराको सम्पर्क कार्यालय राईगाउँमा

फोटोः पत्रकार सुजन विडारी

१ फागुन, हेटौँडा । हेटौँडा २ मा मुख्य कार्यालय स्थापना गरि सेवा दिइरहेको दिव्यतारा बहुउद्देश्यीय  सहकारी संस्था लिमिटेको सम्पर्क कार्यालय मकवानपुरको पूर्वी क्षेत्र बागमती गाउँपालिका २ राईगाउँमा स्थापना गरिएको छ । 
हेटौंडा १९ सान्नानीटार, हेटौंडा १३ पदमपोखरी, थाहा नगरपालिको पालुङ, हेटौडा १८ रामधुनी र मनहरी बजार पछि सहकारीको छौठौँ सम्पर्क कार्यालयमा राईगाउँमा स्थापना गरिएको हो । बुधबार एक समारोहका बिच छैठौं सदस्य सम्पर्क कार्यालय बागमती गाउँपालिका २ राईगाउँमा उद्घाटन गरिएको हो ।सम्पर्क कार्यालयको सहकारीको अध्यक्ष एवं नेपाली कांग्रेसकी केन्द्रीय सदस्य महालक्ष्मी उपाध्याय डिना र  नेपाली कांग्रेस प्रदेश ३  संसदीय दलका नेता एवं कांग्रेस मकवानपुरका सभापति ईन्द्रबहादुर बानियाँले संयुक्त रुपमा उद्घाटन गरेका थिए ।
उद्घाटन कार्यक्रममा बोल्दै बानियाँले सहकारीको माध्यमबाट गाउँगाउँमा महिला, किसानलगायत निम्न आयस्तर भएकालाई ठूलो टेवा पुग्ने भन्दै सहकारीमा लाग्न आग्रह गरेका थिए।
कार्यक्रममा कांग्रेस जिल्ला सहसचिव रामबाबु बानियाँ, जिल्ला सदस्य शेरबहादुर तामाङ्, चोकबहादुर ठाडामगर, महासमिति सदस्य दीनेश उपाध्याय,  बकैया गाउँपालिका प्रमुख दामोदर खनाल, हेटौंडा नगर सभापति आनन्दराम पराजुली, महाधिवेशन प्रतिनिधि ईश्वर पण्डित, नेपाल महिला संघ जिल्ला अध्यक्ष लक्ष्मी श्रेष्ठ, कांग्रेस मकवानपुरका सूचना प्रमुख सुजन विडारी, कांग्रेस बागमती गाउँपालिका संयोजक फणिन्द्र तिमल्सिना, समाजसेवी लक्ष्मण सुवेदी, ज्ञानेन्द्र बर्तौला लगायत जनप्रतिनिधि एवं स्थानीयको उपस्थिति रहेको थियोे ।